لأول مرة رايحة نشارك في هذا القسم
جبتلكم صور لغرفتي انا و اختي
كيما تعرفو ابارتومون صغيرة
صافي هي غرفة ضيافة و منها غرفة نوم
و بما اني من هواة التجديد و نديقوتي من نفس الشيئ قررت نغير في
ديكورها هاذو الصور الغرفة قبل التغيير
الفرش كان قديييم و اللون يعيف و انا نكره الكرفات و الاورانج
مالقري راه لا مود ههههه
و الجدران كانت مبنترا بالتيراكو (الخدام حكم قط باش طيرها
-ودا حقو كترمن كي عاود بنتر هههه-)
و حكمنا 20 يوم باش خلصنا الخدمة اول حاجة درتها رحت شفت البانتر و خيرت اللون و قتلو حابة ندخل البابي بانت وقبل ورحت شريت البابي رولو ب 1550 فيه 10 متر كفاني
و خيرت ستيكو قري كلار و شريت هاذوك الستيكر لي لصقتهم في جوانب الحيط
و شريت الليستر ب 4800
و بالنسبه للكنابي و الطابله كاين واحد صاحب
خويا يخدم الفير فورجي و رسمتلو الموديل لي نحوس عليه و خدمولي مسكين
الكنابي الواحد ستقاملي ب 2 ملاين و الطابلة ب 7000
و من بعد خممت لاكولار تاع الشمبرة سخفت على الموف شريت الكتان
و راكم تعرفو باش تلقاو اللون بالظبط لالالازم تجريو بصح وراه وراه حتى لقيت كان عندي مشكل في الكاش ريدو و ليت شريت ستان ميتاليك و خلاص مع انو خفيف بصح معليش و خيطتو وحدي طبعا"هههههههه
وووو وشنهي ثاني لي كوسان درتهم من راسي و هاذوك نتاع لكوير مشريين
وو الكتان الاسود بالارجونتي خيطت منو لي كوسان و لي ناب لي في ليليمون و شومان دوطابل لي راهي من تحت الطابلة
و الزربيه شريتها ب 12017موف و قري
و ضرك بدلت لفراش بلون اوخر ياخي قلتلكم نحب التغيير ههههه و هذا هو اللون الجدييد
شوفوه ترا
علابالي كسرتلكم روسكم هيا نخليكم على خير و قولولي رايكم
سلاااام
Stayfiya
lah ybarek kharjet film surtou les canapé 3ejbouni bezaf bsahetkoum
شابة
اختي تعيشي راني هبلت عليهم هادوك الكنابيات تاعك الله يبارك حبيت نسقسيك اي واحد يخدم الفاغ فوغجي قادر يخدمهم و لا صاحب خوك قرا في الخارج باسكو حبيت ندير كيفهم بضح خايفة ميجيوش ملاح كيما تاعك
تتهناي بيهم انشاء الله و العقوبة لحاجة اخري بضحتك حنونة
وااااو بزاف عجبتني
كلش مليح الكاش ريدو كيفاش ركتيلو هادوك من فوق
و الكانببي تاع حديد؟
و البيبليوتاك تهبل شحال دير؟
ممن فضلك اين اجد هذه الكنابييات و هل توجد في سطيف
الله يبارك كيفاش ولات رووووووووووووووووووووووووووووووووووووووووووووووووو ووووووووووووعة
بدل اللوك يحبووووووووووووووووووووووووووك ههههههههههه
مشكورييين على الردوود حبيباتي و الكنابيات كاين بزاف لي يخدموهم في سطيف ولاد براهم و الحشامى و 600قدام اوتيل زيدان هاه واش تزيدو تسقصيو
|
المشاركة الأصلية كتبت بواسطة الزهرة المضيئة
 وااااو بزاف عجبتني
كلش مليح الكاش ريدو كيفاش ركتيلو هادوك من فوق و راهم يتباعو الحبة ب 100 شفتهم عند لي يبيعو لي كاش ريدو و الكانببي تاع حديد؟ و البيبليوتاك تهبل شحال دير؟ |
. عندها بزاف ملي شريناها مشفيتش بقداه ؟؟؟
واوووووووووووووووووو روعة ماشاء الله كيفاش كانت و كيفاش ولات
تقدري تصوريلي الكنابي عن قرب
واااااو خرجت روعة الله يبارك
Machaaallah
يعطيك الصحة ختي
نموووت انا على هاذ لحاويج ههه كون نصيب كل يوم ديكور
صحيتي والله
الله يبارك ما شاء الله عليك و على صالون تاعكم ، أني حابة نجيك للدار و نمتع عيني على المباشر هههههههههههههههههه
ربي يهنيكم بيه أختي خرجلكم تحفة .