السلام عليكم اخواتي
اليوم جبتلكم وصفة لحلوى الصابلي مختلفة على لي متعاودين عليه بدل السكر الرطب راح نعمل نيسلي عادي مش طايب ونزين بنوتيلا والسيقار واللوز يعني بمقادير بسيطة ممكن نعمل حلوى رائعة شكلا وذوقا بدون اطالة نخليكم مع الوصفة
المقادير:
مقادير العجينة:
250غ مرقرين
100غ سكر رطب
بيضة وصفار بيضة
كاس نشاء
م ص خميرة الحلوى
فاني
فرينة
نحتاج ايضا الى
نيسلي عادي مش طايب
معجون،كاوكاو محمص ومدشش،نوتيلا،حبات لوز،قوفريط على شكل سيقار
الطريقة
بواسطة الخلاط الكهربائي نخلط المرقرين مع السكر جيدا نضيف البيض والفاني ونستمر في الخلط من بعد نضيف الفرينة والنشا والخميرة ونلم العجينة من دون ما نعجنها لازم العجينة ماتكون يابسة ماتكون طرية بزاف
نغطيها ونخليها ترتاح نصف ساعة في الثلاجة لتسهيل عملية فردها
نرش طاولة العمل بالفرينة ونبسط العجينة بالحلال ونطبع دوائر تكون عادية والاخرى تكون مثقوبة لي ما عندهاش الطابع المثقوب في المنتصف ممكن تستعمل بوشون نتاع قارورة نتاع الماء المعدني
ندخل الحلوى تطيب لازم يبقى لونها ابيض
نخليها تبرد تماما
ناخذ الحبات المثقوبين ونغطسهم من فوق في نيسلي عادي مش طايب ونحطهم فوق المشبك حتى ينشفو تماما هذا شكلهم بعد مانشفو
نلصق زوج حبات بالمعجون حبة عادية وحبة مثقوبة لي فوقها نيسلي
من بعد بالبانسو نعمل المعجون على الجوانب ونحطهم في الكاوكاو المحمص والمرحي
نحط نوتيلا في لابوش ونحط كمية في الثقبة
ناخذ القوفريط على شكل سيقار نقطع على اربعة نحط في وسط كل حبة قطعة سيقار وحبة لوز نحط الحلوى في ليكيسات ونقدمها
عن قرب اممممم
نتمنى تعجبكم الحلوى وتجربوها لانها بنينة بزااااف وشكلها شباب
في امان الله
الله يسلم يديك روعة
كنت اترقب هذه الوصفة بشوق
بارك الله في جهودك
و حفظ لك اماني و حفظك لها
سلمت يمناك شكرا
4444444444444444444444444444444444444
يعطيك الصحة
كاينة اخت عملاتو قبلك للعيد عجبني بزاااااااااااااااااف لكن خفت نجربو
دركا ما نهابش ان شاء الله و نجربو
متالقة دائما ربي يجعل كل مجهوداتك في ميزان الحسنات
أنت 4444444444444444444444444444444 يا أغلى أخت
شكرااااا
|
المشاركة الأصلية كتبت بواسطة zawali.dz
 4444444444444444444444444444444444444
يعطيك الصحة كاينة اخت عملاتو قبلك للعيد عجبني بزاااااااااااااااااف لكن خفت نجربو دركا ما نهابش ان شاء الله و نجربو |
شكرا لمرورك اختي
ماشفتوش قبل هنا المهم راه ناجح وبنين جربيه على ضمانتي
يعطيك الصحة يا فنانة
ماهذا الابداع اتحفتينا والله كل شيء روعة
شكرااااااااااااااااااااااااااااااااااا جزيلا ام اماني و الله كنت انتظر هذه الوصفة بشوق فعلا اتحفتينا
بارك الله فيك
وصفة رائعة
وووااااااااااااااااااااااااوووو وصفة تحفة انا نحب الصابلي يعطيك الصحة
السلام عليكم أنا لست من العضوات النشيطات في هذا المنتدى وهذا لظروفي المتعبه حاليا لكن نقولك بكل صدق ربي يجازيك مكاش مره جربت حاجه من عندك ومفرحتش الله يعطيك الخير الكبير و يجعل تعبك في ميزان الحسنات أنت و جميع الأخوات اللي عمركم مبخلتو علينا تخدمو بالنيه و الصفا وهدا إن شاء الله مرحش يضيع عند ربي كلش محسوب .شكرا و الف شكر أيتها السيده الفاظله.je vous embrasse