حبوباتي علابالي غير نتوما ليتعاونوني
راهم جايين ناس داري هاد السمانة ماعلاباليش واش نطيبهم
الله يستركم عاونوني
ماعرفتش واش نديرهم طبق رئيسي ومقبلات وقاطو
وحتى راجلي العزيز قالي اكدي لي على القاطو حبيت نصيبك طيبتيلي حاجة جدية
تعيشوا نتكل عليكم
انا في اشورة كان جايني ضياف وسقسييت فالمنتدى وكاين الي دبرو لي مشكورييييييييين المهم درت شربة فريك بوراك جلبانة قرنون باللحم والقرنون طبا محشي درت بو نارين قاتلي ليه احد الاخوات وانا درتو بالبطاطا واللحم مرحي سلاطات درت وحدة روز وحدة خضرا وحميص طاجين حلو اما مايخص الحلويات درت قدرت قادر وصفة طاتهالي ختي وجات هاايلة الا ترفيها ماخدمتش قاطو جابلي راجلي زلابية وشوي حلويات من برا نشاء الله كاش ما تستفيدي
شةفي حبيبتي حراير الجلفة واش راهم اطيبو زيدي ادخلي لقسم واش طيبتي الجزء 43 لبنات راح افيدوك بزاف
هذا الرابط انتاع الوصفات انتع الكوزينات
https://www.djelfa.info/vb/showthread.php?t=1362108
وهذا انتاع التحليات راهم تحليات روعة انا البارح درت اناع ام انس تحلية ليجوى بالبرتقال جات اتهبل وبزاف دربوها والتشيز كيك انتاع ليدي هاذو كامل احمرو الوجه ومايدوش الوقت بزاف وحلا المرايا انتاع سارة والجو انتاع ام رامي انتاع المندرين والموز جربوه اكل عجبهم المهم هاو ليك الرابط وزيدي شوفي
https://www.djelfa.info/vb/showthread.php?t=1281814
نتمنى انكون افدتك ولو بالقليل
ya3tikom essaha yalfahlate ghir menkom linestefad
rebi yesterkom inchallah
doka raki ta3arfi le group nta3i sur ********
diri montadayet el djelfa litabkh telgaynii
arwa7i na3tiiik le gateaux li 3andi peut etre ya3ajbek