المقادير : 500غ فرينة +2حبات بيض+6مغارف زيت +3مغارف قهوة خميرة خبز +3مغارف قهوة سكر +نص مغرف اكل مليح +تقريب كاس حليب لجمع الخليط .
*التحضير : نحط الخميرة مع 2مغارف سكر في كاس ونصب عليهم نص كاس حليب دافئ ونخلوهم يطلعو .
-في ليان ولا في بيترن نحط الفرينة +الزيت +المغرف السكر لبقات +الملح نخلطهم شوية ونعمل حفرة نفرع فيها خليط الخميرة +2 حبات بيض ونبدا نلم ونعجن في الخليط وادا شفتيه مزال ناشف زيدي غير بشوبة الحليب حتى تولي العجينة طرية مش مرخوفة طرية فقط نعجنها مليح مليح حتى يولي الوجه نتاع املس نغطيها ونخليها تخمر وحد40د .
بعد ما تخمر نقطعها كريات بحجم حبة النمدرين يعني بالتقريب كل كرية توزن حولي 83غ وهنا راه تحصلت على 10 كريات .
نحطهم في سني ونطليهم بالحليب فقط ونرش عليهم سانوج او جللجلان بحسب الرغبة ونغطيعم بساشي كبيرة وفوقها منديل ونخليهم يخمرة مرة ثانية .وهنا بعد ما خمرو
في هاد الوقت نكون مسخنة الفران على درجة حرارة 180 ندخلهلم للفرن ونخليهم يطيبو حتى يتحصلو على هاد اللون الاكثر من رائع ممممممممم مشاء الله شوفو بعد ما خرجة من الفرن
نوجد اللوازم الاخرى : عملت كمية من اللحم المرحي +حبة بصل صغيرررة سكرفجتها في رقييق +3سنات ثوم +شوية خبز مشمخ في الماء ومعصور والتوبل ملح فلفل اسود وشوية راس حانوت
نعجنهم مليح مليح ونعمل اقراص قد كف اليد باه كي تحطها في المقلاة تولي بحج الخبيزة نتاع الهمبرغر .
نقسم الخبز ونهنو بالمايوناز ونحط سلاطة +طماطم +بيض مقلي +قرص اللحم+الفرماج وعنا يا ريت يتوفر جبن الخاص بيه راه يجي مربع وراه بنيييييييين بزاف ولي يحب يضيف شريحة بصل رقيقة
وهاليكم النتيجة كيفاه
[
وهادي صورة الجبن
[size=24]ماشي خير ملي تشرو من برى شغل يديك نظيف لاطفالك /size]
شكرا جزيلا على الوصفة
ماتقليش هام برغر قولي برغر كي يكون وحدو وكيما تاعك بللحم مرحي قولي بيفبرغر بويسك هام هي لحم الخنزير و العياذ بالله وشكرا للوصفة تقبلي مرووووووووووووووووووووورييي
شكرا اختى والله كنت اجهل دالك شكرا لك
شكرررررررررررا هايلة
تسلميييي على الوصفة
جزاك الله خيـر
بارك الله في جهودك
وأسال الله لك التوفيق دائما
وأن يجمعنا على الود والإخاء والمحبة
وأن يثبت الله أجرك
ونفعا الله وإياك بما تقدمه
شكرا شكرا لكن يا غاليات
شكرا اختي باينة ببلي ناجحة 100% يعطيك الصحة
اممممممممممممممممممممممممممم روعة
يعطيك الصححححححححححححححححة
mmmmm chamoussa allah yebarek yaetik al saha
روعة حنونة يعطيك الصحة
حابة نسقسيك هل يصلحو يتخباو في الكونجيلاتور؟؟؟؟؟
يعـــــــــــطيـــك الصـــــحة
|
المشاركة الأصلية كتبت بواسطة أم محمد تاج
 روعة حنونة يعطيك الصحة
حابة نسقسيك هل يصلحو يتخباو في الكونجيلاتور؟؟؟؟؟ |
اييه تقدري تخبيهم نرمال في كيس محكم الاغلاق
شكرا على المرو الكريم