ورشة مفرش الجزء الثاني مع fadilasor 2024.

اهلا و سهلا باخواتي و حبيباتي في الله نورتواورشة لمة لحباب..
الورشة مبسطة وحتى المبتدئات ممكن يشاركوا معانا…

قائمه المشتركات

[IMG][/IMG]

دار الفل

مرحبا بكل من تريد الانضمام

صباح الخير جميعا شكرا اخت كرونو ربي يجازيك كل خير وشكرا لجميع المشتركات نبداو على بركة الله نبداو بخيط الحرير اللون اللي انتم اخترتوه نعمل سليسلة فيها 10غرز ونغلقها ونزيد نعمل سليسلة اخرى فيها خمس غرز ومن بعد نبدا نعمر بالاعمدة او لي بريد مانعرفش وش اسمهم بالضبط من 25 الى 30 وحدة المهم حتى تتغلق الدائرة ضرك نزيد سليسلة فيها خمس غرز ونلصقها في الدائرة ونواصل العملية حتى تولي عندي ست سليسلات لي راح نعمل بيها البتلات نتاع الوردة

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.بنفس الطريقة نزيد نعمل سليسلة من خمس او ست غرز ونلصق في نفس المكان اللي لصقت فيه السليسلة الاولى اللي عمرتها من قبل يولي عندي كما الاول ست سليسلات باش نعمل بيهم الاوراق الخلفية للوردة إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.هنا الوردة راني قلبتها على ظهرها باش تعرفوا وين لصقت السليسلات نجو للتعمار نتاع الاوراق هدي المرة نعمر بلي بريد كما الاول لكن كل بريد ندير فيه زوج غرزات مشي وحدة باش يجي طويل على الامامي نعمر تسعة لي بريد ونعمل سليسلة فيها زوج غرزات ونواصل التعمار بتسعة لي بريد يعني كل ورقة تتعمر ب18بريد وفي الوسط سليسلة بزوج غرزات الفراغ هدا نحتاجو فيما بعد إضغط هنا لرؤية الصورة بحجمها الطبيعي. حتى نكمل الوردة نحطها بجهة وبنفس الطريقة نبدا وردة اخرى كي نوصل للاوراق الخلفية نلصق في وردة اخرى بواسطة هدوك السليسلات لي خليتهم بين البتلات الخلفية إضغط هنا لرؤية الصورة بحجمها الطبيعي. واللي ماتعرفش تلصق بالكروشي تقدر تعمل الوردات منفصلين وتخيطهم بالابرة حتى نتحصلو على الشكل هدا إضغط هنا لرؤية الصورة بحجمها الطبيعي. يكون عندنا ست وردات بخيط الحرير الملون ووردة في الوسط بالخيط الابيض انا نستعمل خيط الاصلي رقم 16

الجزء الثاني من المفرش بعدما كملنا الوردات الملونين ناخدوا الخيط الابيض نعمل سلسيلة من 26غرزة تلصق في كل بتلة يعني تولي عندنا 18سليسلة في النابخو كما في الصورة بعدما كملنا السليسلات نبدا نعمر فيهم بلي بريد او الاعمدة هنا ركزو مليح قلت عندي 26غرزة في كل سليسلة نخلي 03 غرزات وندير 10 لي بريد او الاعمدة بلفة واحدة نزيد ندير سليسلة ب03غرزات ونكمل ندير10اعمدة ونخلي03 غرزات و نمر مباشرة للسليسلة الثانية اللي بدورها نخلي فيها 3غرزات يعني =10 +10+3+3=26 ان شاء الله نكون وفقت في الشرح بالنسبة لباقي السطور دايما نقصو3اعمدة وونكمل النسيج فوق بعضو وفي الاخير نزيد3اعمدة باش يخلقلي التدرج ندير سليسلة ب3غرزونزيد 3اعمدة في الاخير نقص 3اعمدة هدي المرة في السليسلة الدوزيام نقص ثلاث اعمدة بلاماندير بيناتهم السليسلة نتاع 3غرز يعني ببساطة باش يخرجلنا سهمين متعاكسين مرة ندير سليسلة ومرة مانديرهاش

نكمل الخدمة على نفس الطريقة وندير خمسة او ستة اسطر كما تحبو ضرك في السهم المتجه للاعلى ندير في وسطه ****اج بست اعمدة ونعمل سليسلة من عشر غرز نلصقها في وسط السهم المتجه للاسفل ونزيد سليسلة اخرى من عشر غرز و****اج في وسط السهم الثالث وهكدا حتى نكمل ونطلع بنفس الطريقة في ال****اجات برك في السليسلات كل وحدة نلصقها في وسط السليسلة السابقة باش يزيد عدد السليسلات لي عندي كما في الصورة الامر بسيط كي نكمل ندور على النابخو كامل باللون اللي عملت بيه الورود بالماي سيري يعني غرزة بدون لفة

مبورك علينا افتتاح الورشا

مبروك علينا افتتاح الورشة بارك الله في كل القائمين عليها ,

بهدي الطريقة نخدمو اربع نابخوات دائرية تكون نفس الحجم ولا تحبي تصغري زوج على الزوج الاخرين اما الزوج نتاع لي تابل دو نوي نديروهم اوفال هاوليك الشكل في البداية وتكملوه وان شاء الله نكون وفقت في الشرح كل وحدة تمر نتمنى تدعيلي دعوة نتاع خير

راني معاكم يا الخاوة .ملينا من القعاد هههههههههههه
باذن الله راح تكون لمة حلوة

السلام عليكم
مبارك الورشة
حبيت نسقسيك اختي فضيلة في البداية درتي double bride كيما يقولولو عمود بلفتين حتى انا ما كنتش نعرف اسمهم و الا بثلاث لفات لانه كي طلعني ب5 سنسلات قلت بالاك درتي ثلاث لفات ؟؟؟؟؟؟؟

في الانتظار

اقتباس:

المشاركة الأصلية كتبت بواسطة tiziri2 السلام عليكم مبارك الورشة حبيت نسقسيك اختي فضيلة في البداية درتي double bride كيما يقولولو عمود بلفتين حتى انا ما كنتش نعرف اسمهم و الا بثلاث لفات لانه كي طلعني ب5 سنسلات قلت بالاك درتي ثلاث لفات ؟؟؟؟؟؟؟ في الانتظار

لالا اختي درت بريد بلفتين مشي بثلاث لفات وكامل بلفتين غير البتلات الامامية لي بلفة واحدة باش يجو قصار

هاو ليك تطبيقي

بصح بانولي البتلات الكبار بزاف متلاسقين يعني 18 بزاف لاني راني نخدم بالخيط القطني
ولا عادي يجو هاكدا مكمشين ؟؟؟

دوك نكمل و نشوف

اختي فضيلة عندي سؤال اخر انا راني حابة نخدم الnapperon ovale حبيت نعرف ادا الخدمة الي راهي جاية من الفوق هي نفسها بالنسبة للمدور او ovale يعني لحساب نفسه تاع الخدمة البيضاء الفوق ؟؟؟؟ هاكدا باش نوجد زوج وردات بيوضة و 8 ملونين .؟؟

و شكرا

اقتباس:

المشاركة الأصلية كتبت بواسطة tiziri2 هاو ليك تطبيقي بصح بانولي البتلات الكبار بزاف متلاسقين يعني 18 بزاف لاني راني نخدم بالخيط القطني ولا عادي يجو هاكدا مكمشين ؟؟؟ دوك نكمل و نشوف اختي فضيلة عندي سؤال اخر انا راني حابة نخدم الnapperon ovale حبيت نعرف ادا الخدمة الي راهي جاية من الفوق هي نفسها بالنسبة للمدور او ovale يعني لحساب نفسه تاع الخدمة البيضاء الفوق ؟؟؟؟ هاكدا باش نوجد زوج وردات بيوضة و 8 ملونين .؟؟ و شكرا

سلام عليكم

صحيتي يا الفحلة

ماشاء الله يعطيك الصحة اختي tiziri2 ان شاء الله لبنات كاااامل يطبقوا بهاد السرعة وهكا تكون ورشتنا خفيفة ظريفة .
…
يلا بناااااااااااات حماااااااااس اكتر باش تحطلكم الجزء التاني

هيا لبنات شوي نشاط

[IMG][/IMG]

[/IMG]
سلامي للجميع

اقتباس:

المشاركة الأصلية كتبت بواسطة crono سلام عليكم صحيتي يا الفحلة ماشاء الله يعطيك الصحة اختي tiziri2 ان شاء الله لبنات كاااامل يطبقوا بهاد السرعة وهكا تكون ورشتنا خفيفة ظريفة . … يلا بناااااااااااات حماااااااااس اكتر باش تحطلكم الجزء التاني هيا لبنات شوي نشاط [img][/img] [/img] سلامي للجميع

الله يسلمك اختي كرونو بارك الله فيك

نحاول نكمل واش بقالي لاني راني نخدم في العقاش في نفس الوقت

شكرا

اقتباس:

المشاركة الأصلية كتبت بواسطة tiziri2 هاو ليك تطبيقي بصح بانولي البتلات الكبار بزاف متلاسقين يعني 18 بزاف لاني راني نخدم بالخيط القطني ولا عادي يجو هاكدا مكمشين ؟؟؟ دوك نكمل و نشوف اختي فضيلة عندي سؤال اخر انا راني حابة نخدم الnapperon ovale حبيت نعرف ادا الخدمة الي راهي جاية من الفوق هي نفسها بالنسبة للمدور او ovale يعني لحساب نفسه تاع الخدمة البيضاء الفوق ؟؟؟؟ هاكدا باش نوجد زوج وردات بيوضة و 8 ملونين .؟؟ و شكرا

يعطيك الصحة يالفحلة ماراهمش متلاصقين راكي جايبتها غير مع يتحددو يبانوا معمرين خير بالنسبة للاوفال نفس الحساب كي نكمل الورشة في الاخير نحطلكم الحساب نتاع الاوفال هكدا باش نخدمو سارفيس ان شاء الله