جمعتكم مباركة
اهلا وسهلا بكل الاخوات
اليوم وعلى بركة الله تنطلق ورشتنا لفستان البنوتة
فستان…… جميل….. انيق واكيد من يدين حراير الجلفة رح يكون….. احلى واحلى….
صورة الفستان
المشتركات بالورشة
1-ورد الأقحوان
2-ayaa2017
3-لمسة من الماضي
4-titi119
5-abassia81
6-farawla01
7-ام الاء وسدن
8-djamilach23
9-zahira2
10-حورية38
11-نهال13
12-زمردة17
13-loudjeine2017
14-فاطمة شمس الاصيل
15-hiba71dz
16-مسلمة0
17-ام امجد و انفال
18-مشرق2
19-ام الشافعي
20-شاهة
[ER]
بنات قبل لانبداو لازم نتافقوا على امر مهم ……..لازم يكون كاين حركية في الورشة التطبيقات لازم تحطوها قبل لاننتقلوا لجزء اخر …باه نتفاداو اي اخطاء ورح نعطيكم الوقت الكافي للعمل …..ولازم نستناو بعضانا باه المتاخرة تبذل مجهود كثر وتلحق ومانفوتوهاش الا موافقين نبداو
بسم الله نبدا
اعملي فوق كل غرزة سلسلة غرزة حشو ساير داير ثم اغلقي بمنزلقة ….ارتفعي ب3س (كاول عمود ) واعملي معاها 2ع (المجموع =3عمود) ثم 2س اتركي 2حشو من الاسفل دون عمل واعملي في ثالث حشو عمود …..
الجزء هدا بسيط اذن التطبيقات رح تكون غدا مساءا
الجزء2 من الورشة
العمل رح يكون اولا للامام ومن بعد نعملوا الخلف
ملاحظة : بنات انا طريقتي في التنقيص لحفرة الكم مثل ماهو في الصور وتعبتني من بعد في عمل الحشو لذلك ننصحكم اتبعوا الطريقة اللي في الصورة الموالية
نكمل على بركة الله
التنقيص للاكمام يتوقف ونبدا اعمل على الرقبة
عمل خلف او ظهر الفستان
بنفس طريقة الامام فقط يكون مفتوح وكل جهة تعمل لوحدها…..ملاحظة انا عملت الامام 11 سطر وبديت الرقبة للامام اما الخلف عملت 12 سطر وبديت الرقبة
عمل حافة الرقبة وحفرة الكم
الجزء الاخير
يمكن انك تعملي اولا ساير داير بغرزة الحشو وبعدها اتبعي باقي الخطوات (انا استغنيت عن هادي الخطوة)
باقي العمل موجود في الباترون وكل وحدة واش تحب الطول تزيد عدد الادوار
اما التزيين نخليلكم كل وحدة تبدع وتوريلنا لمستها الخاصة في الفستان .
*انتهى بحمد الله *
مبروك الورشة اخت سكورا انا معاكم لكن نبدا بعد الاحد ان امكن يارب نلحق بالتوفيق
مبروك الورشة انا من الصباح و انا نستنا راني معاكم و متبعة و حابة نبدا لكن ما عنديش باش نصور و نحط التطبيق
الله يبارك غيرتوني للأسف راني مرييييييضة في الفراش ما نتحركش خلاص غير يديا وفمي برك
والله غير غرت تاع الصح وزيد عندي بنت أختي صغيرة تمنيت كون خدمتلها وحدة
الله غالب دعواتكم لي بالشفاء العاجل في هذا اليوم وربي يوفقكم
مبروووووووك
ماشاااااااااااااااااااااااااااء الله عليكم مودال راااااااااااااائع ومتقن ربي يوفقكم كامل
مبروك افتتاح الورشة ربي يوفقك ويعاونا جاري التطبيق ربي يشافيك اختي ماري
والله ياسكورا حبيبتي انا منين نجيبلك طفلة ونحسب شحال الخصر تاعها قوليلي قياساتك وخلاص ولا ندير على حسابي دبري راسك ههههههههههههههههههههههههههه
ان شاء الله اليوم نحاول نخدمو ونحطو ربي يوفقني ان شاء الله
اهلا بيكم الكل
مادام مالقيتش اسئلة يسما الشرح واضح
ماري ربي يشافيك اختي
سارة الهدف من التصوير انو نساعكم في التصحيح قبل لاننتقلوا لجزء ثاني وانت ركزي مليح باه تتفاداي اي خطا
حورية راكي كيما انا درت على حساب مارتحت للسلسلة وخدمت بعدها لقيت هاد الجدول
سلسلتي عملت فيها 192 س (انا غرزاتي صغار ) وهو لبنوتة بعمر سنة واحدة
مبروك افتتاح الورشة كنت محتاجتها اخدمت بوليرو لبنتي وخصني ليها روبة تقول حسيتي بيا المهم هذاليامات مانقدرش انطبق عندنا عرس لكن ان شاء الله لما نفضى نرجع ليها اكيد وبالتوفيق ان شاء الله
|
المشاركة الأصلية كتبت بواسطة sakura be
 اهلا بيكم الكل
مادام مالقيتش اسئلة يسما الشرح واضح ماري ربي يشافيك اختي حورية راكي كيما انا درت على حساب مارتحت للسلسلة وخدمت بعدها لقيت هاد الجدول سلسلتي عملت فيها 192 س (انا غرزاتي صغار ) وهو لبنوتة بعمر سنة واحدة |
شكرا حبيبتي على التوضيح راني بديت ودرتعلى حساب عيني وكيما جا داك هو