اليوم نبداو ورشة البوليرو الاحمر اللي راكم كامل تحوسو عليه
راح نعمل فيه تغييرات باش يجي كيما هادا لكن راح نعملو باللون الاحمر هههههههههههههههههههههههه
هنا تلقاو الفيديو اللي فيه شرح للغرزة
ابداي بنفس الطريقة كيما الفيديو و كسلس درعيك و خلي وحدة تقيسلك من الخلف
يعني ادا حبيتي البوليرو يكون demi manche قيسي من منتصف الدراع الايمن لمنتصف الدراع الايسر
ادا حبيتي يكون بدراع طويل قيسي على طول الدراعين
و عملي مستطيل لم تطويه على اثنين بالطول تقدري تتحصلي على العرض اللازم للدراعين
هنا ماتحتجي تفصلي ما والو
يعني الاساس كامل قطعة و حدة
نخليك مع الصور
هنا البوليرو اخد الشكل تاعو
و درك عند الحافة اللي بينتها في الصورة نبداو نخدمو حافة البوليرو اللي راح نخدموه ايضا عند الدراعين
راح تبداي كانك راح ديري الغرزة تاع الياسمينة
كيما هكدا
ديرو 4 سلسلة و في بداية السلسلة ديرو 4 بريد ثم 4 سلسلة و اغلقيها في السلسة الي بدينا فيها في الاول ثم نكمل الجزء المتبقي تاع غرزة الياسمينة تاعي
كما في الصور
و نزيدو السطر الثاني و الثالث بنفس الطريقة لكن انتبهو لازم نخالفوهم شوفي الصور ان شاء الله تكون واضحة
لما نكمل السطر الثالث نديرو اخر سطر
نبداو كبداية غرزة الياسمينة
ثم نديرو 4 سلسلة 4 بريد و 4 سلسلة و نغلقو كيما درنا سيقا لكن هنا نزيدو نعاودو ندير 4 سلسلة 4 بريد 4 سلسل و نغلقو نزيد 4 سلسلة 4 بريد 4 سلسلة تولي عني 3 وريقات كما في الصورة
ثم نكملو الياسمينة تاعنا و نكرر حتى ننهي كل السطر
هادا بالنسبة للموديل اللي في اللون blanc cassé
اما الحافة تاع اللون الحمر راح تكون هكدا
نبداو السطر كيما السابق
يعني كانك راح تبداي الياسمينة ثم تعملي 3 سللسلة ة في بداية السلسة ديري 6 بريد ثم 3 سلسلة ثم 6 بريد و نغلق في البداية
كما في الصور
ان شاء الله يكون الشرح واضح
في انظار تطبيقاتكم
دمتم سالمييييييييييييييييييييييين
و بالتوفيق
سلاااااااااااااااااااااام صارة هدي غيبة انا اول وحدة ترد هههههههههه و نشارك في ورشتك
واش نوع الخيط؟؟؟ نقدر نستخدم صوف عادي؟؟؟
|
المشاركة الأصلية كتبت بواسطة jill
 واش نوع الخيط؟؟؟ نقدر نستخدم صوف عادي؟؟؟
|
سلام اختي
البوليرو هادا مخدوم بالصوف العادية و النوع الي يكون رقيق احسن
يعني صوف رقيقة باش يجي باهي
تقدري ديريه بكوتون بيرلي
البوليرو خدماتو امي ماشي انا هههههههههه
راني سرقتو ههههههه نورمالمو نديرو موضوع ليها لكن غلطت درتو باسمي هههههههههه
|
المشاركة الأصلية كتبت بواسطة jill
سلاااااااااااااااااااااام صارة هدي غيبة انا اول وحدة ترد هههههههههه و نشارك في ورشتك
|
بالنسبة للورشة تاعك تاع الدرا بالوحدات
عادي اختي حطي الصور تاع الورشة تاعي اللي فيها طريقة الوحدة و كملي طريقتك في تشبيك الوحدات و هكدا باش ماتجيكش خدمة كبيرة
و يكون تناغم في المواضيع و تكون مواضيع مكملة لبعضاها هكدا احسن
و بالتوفيق ليك في ورشتك
في انتظار نشوفو الدرا تاعك
|
المشاركة الأصلية كتبت بواسطة sarahmmmm
بالنسبة للورشة تاعك تاع الدرا بالوحدات
عادي اختي حطي الصور تاع الورشة تاعي اللي فيها طريقة الوحدة و كملي طريقتك في تشبيك الوحدات و هكدا باش ماتجيكش خدمة كبيرة و يكون تناغم في المواضيع و تكون مواضيع مكملة لبعضاها هكدا احسن و بالتوفيق ليك في ورشتك في انتظار نشوفو الدرا تاعك |
ربي يحفظك كنت رايحة نستاذن منك باش نحط رابط الورشة تاعك ونكمل مع البنات ورشتك رووووعة ونقصتي عليا عمل كبيييييير هكذا يبقاو الورشات يمشو مع بعض مشكووووووووووووووورة
وانت كملتي الدرا تاعك ولا مازال؟؟؟؟؟؟
|
المشاركة الأصلية كتبت بواسطة jill
ربي يحفظك كنت رايحة نستاذن منك باش نحط رابط الورشة تاعك ونكمل مع البنات ورشتك رووووعة ونقصتي عليا عمل كبيييييير هكذا يبقاو الورشات يمشو مع بعض مشكووووووووووووووورة
وانت كملتي الدرا تاعك ولا مازال؟؟؟؟؟؟ |
الله يخليك اختي
هاديك الوحدة عملتها ورشة فقط للاخت اماني السلام لكن ممكن ادا كان عندي وقت نديرها نابرونات صغار لاني راح ندير درا بوحدة اخرى
Salam 3alaykom
Waw ygolo daka chiblo mn dak asad raki chatra llah ybarek warcha ray3a ana bdit f wahd chal mostatil b hadi gharza badat balak nzid nachri sof w ndir had bolero puisque 3ajabni bazaf bazaf
Machkora pkhti sara nti w omak 3 wach rakom tkadmona mn mosa3adat
اختي راها امي ام سفيان دارت موضوع قبلك باش ديرهم ورشة نتاع هذا البوليرو شوفي الموضوع
باش متديروش ورشتين في نفس العمل
|
المشاركة الأصلية كتبت بواسطة kakpop
اختي راها امي ام سفيان دارت موضوع قبلك باش ديرهم ورشة نتاع هذا البوليرو شوفي الموضوع
باش متديروش ورشتين في نفس العمل |
هاديك راها بنتها يا kakpop انا ثاني تفاجءت 
|
المشاركة الأصلية كتبت بواسطة jill
هاديك راها بنتها يا kakpop انا ثاني تفاجءت
|
اقصد ماماهاااااااااااااااااااااااااااااااااااااااااا
|
المشاركة الأصلية كتبت بواسطة kakpop
اختي راها امي ام سفيان دارت موضوع قبلك باش ديرهم ورشة نتاع هذا البوليرو شوفي الموضوع
باش متديروش ورشتين في نفس العمل |
علا بالك قتلتينا بالضحك الله يخلي ايامك كلها فرح ان شاء الله هادي تاني مرة نشوفك تحامي علينا الصبح في موضوع الاخت jill و الان في هاد الموضوت يا بنتي الموضوع صح نتاعي لم تنتبهي لان صارة هي بنتي راني فرحانة بنتي حطتلي ورشة و غلطت سجلت باسمها و مانتبهتش حتى كملت و بنتي التانية لي هي انت ما حبتش يسرقو موضوعي الله يخليك
|
المشاركة الأصلية كتبت بواسطة jill
هاديك راها بنتها يا kakpop انا ثاني تفاجءت
|
شفتي يا بنتي صباح قالتلك هاديك ورشة صارة و قالت لصارة هادي تاع امي المهم الله يخليكم كامل بناتي و نعزكم و هادا يفرحني لانه يدل انكم شفتو مواضيعنا شكرا
|
المشاركة الأصلية كتبت بواسطة mary1987
salam 3alaykom
waw ygolo daka chiblo mn dak asad raki chatra llah ybarek warcha ray3a ana bdit f wahd chal mostatil b hadi gharza badat balak nzid nachri sof w ndir had bolero puisque 3ajabni bazaf bazaf machkora pkhti sara nti w omak 3 wach rakom tkadmona mn mosa3adat |
و عليكم السلام و رحمة الله و بركاته
اللهيخليك شكرا على التشجيع ان شاء الله تكملي الشال و من بعد اخدمي البوليرو ادا عجبك او تقدري تخدمي بنفس الشال الا ادا قستيه و لقيتي طويل بزاف لا لا شوفي قيسي من اليد الى اليد الاخرى هادا ادا حبيتي اكمام طوال ادا حبيتي دومي مونش ابداي عند نصف الدراع نتمنى تكوني فهمتيني