خدمت قندورة عند واحدة مخلطة باسمسم والدبلة وورد تاع الدودة وبفضل هدا المنتدي العزيز نقدر درك نعاود وحدة كيفها بصح بقاتلي هده الوردة منعرفش نديرها لي تعرفها تعلمهانا وجازها الله الف خير وان شاء الله نهار نقدر نحط الصور نوعدكم بعدة مواضيع اني موجدتهم منهم مودلات تاع قنادر ورشمات ………….الخ ونتحول شوية الي مرحلة الافادة الساعة هده اني غير نستفيدة والله وليت نحس روحي طلابة وصامطة
نوعدكم في اقرب وقت نحط موضيع مليحة وشكرا مقدما علي كل من ترد عليا
مساء الخير حبيبتي
وين هي الوردة ؟
انا نوريهالك الا عرفتلها عندي محاولات في هذي الغرزة
و بصحتك القندورة
اختي شوفي هاد الموضوع و ان شاء الله يفيدك
الوردة ماظهرتش اسالي كيما تحبي حاشة اختي احنا اخوات في الله ومافيها والو غالي و الطلب رخيس
شكرا حبيباتي ولكن مشكلي انني منقدرش نحط الصورة
اختي شوفي هاد الرابط ربما يفيدك
https://www.djelfa.info/vb/showthread.php?t=399732
https://www.djelfa.info/vb/showthread.php?t=642817
حبيبتي ام جيهان
انا ان شاء الله في تروسويا رايحة ندير هذي الرشمة
شكرا علي اهتمامك تهبل روعة انت دائما مبدعة هدا وش نحوس بظبط متنسايش تعلميني الطريقة حبيبتي وشكرا جزيلا