أتمنى أنكم أبليتم حسنًا في امتحان الرياضيات
رغم أنّي أعلم بأنّ التلاميذ انقسموا لقسمين اليوم
من أعجبتهم دالة الموضوع الثاني وجدوا بعض الصعوبات في بقية التمارين
أما من أخذوا الموضوع الأول وأنا واحد منهم فمتاكد مئة بالمئة أنّ الوقت لم يسعفهم لإكمال الموضوع
على كلٍـ، اليوم فاتت تقريبًا على خير
أرجو منكم أن تنسوا الرياضيات وتفكروا في القادم
وإياكم بأن تسمحوا للإحباط بان يلتهمكم
عليكم أن تحضروا للانجليزية الآن وبعدها تهتموا لبقية المواد
فنحن في بداية المشواء والطريق طويل لتعويض ما ضيّعتم
وبالتوفيق للجميع
صح الاول لازمو وقت انا بديت بالدالة قعدت نخدم في غرضي كي كملتها قالولي باقي ساعة ونص ههه التمارين لرخرين درتهم دييراااكت من الخلعة وزيد عمرت الورقة بالتشطيب لكن كملتهم و الحمد لله مي مانيش متأكد من كل الاجابات خاصة صورة الرباعي و التمثيل الوسيطي
اخي جميل واش درت صورة الرباعي ؟ وانا تاني التمثيل الوسيطي كي خرجلي بالكسور ما عجبنيش قلت بالاك راني غالطة فيه
صورة الرباعي و الله مكملت
و التمثيل الوسيطي بالكسور
نهاية المتتالية شحال لقيتوها؟؟؟؟؟
النهاية 0 لانهما متاتلييتين متجاورتين و صورة الرباعي oa’c’a
آووووووووووووووووووف هبطلي المورآآل مآعرفتش نخير الموضوع خيرت الأول و من بعد بطلت درت الثآني و ندبتلهاا
>_<
كيفاه لفيتيها 0
النهاية
انا تاني حطيتها 0
بلا معلابالي
هما متاتليتين متجاورتين ما لاحظتين بلي واحدة متزايدة او واحدة متناقصة او في زوج عنهم نفس النهاية عند المالانهاية خاصية
شكراااااااااااااااااا
الحمد لله طلعتولي المورال
دركا تأكدت باللي راني غالطة غير في زوج أسئلة والتمثيل الوسيطي تاني مانيش قانعة بيه
بالصح ماندمتش اللي اخترت الموضوع الأول
وشويا خلطتها فالمتتاليات
خاصة السؤال قبل الأخير ههههههه
|
المشاركة الأصلية كتبت بواسطة نعمة القدوس
 الحمد لله طلعتولي المورال
دركا تأكدت باللي راني غالطة غير في زوج أسئلة والتمثيل الوسيطي تاني مانيش قانعة بيه بالصح ماندمتش اللي اخترت الموضوع الأول |
سبحان الله نفس الحالة تقريبا
صح أنا خيرت الموضوع الأول لكن الوقت لم يكفيني
الدالة خدمتها في نصف ساعة وشوية -_-
المهم ان شاء الله التوفيق
قولولي برك واش لقيتو قطر هديك الدائرة تاع الاعداد المركبة
3 جدر 2 ؟؟؟؟؟؟؟؟؟؟؟
لانو انا برهنت انها تنتمي الى نفس الدائرة بطريقة مختلفة وراهالنا استاد الدعم مانيش متأكدة يحسبوهالي حابة نعرف ادا سلكتها فالقطر
سبحان الله انا خيرت الموضوع الاول و كملت و بقاولي 5 دقايق بصح انا ربع ساعة خيرت الموضوع و ما ستعملتش الوسخ بزاف