حبيت نقترح عليكم هذا الموضوع كل وحدة تحط نصيحة أو طريقة جربتها و سهلت عليها عملية تحضير الغداء أو العشاء أو حتى الفطور خاصة إذا كانت عاملة نظرا لضيق عامل الوقت و التعب الذي يمكن أن تتجنبه إذا تابعت هذه النصائح ..أفكار . تجارب . كيفيات كل شيء يمكن أن نستفيد منه نشاء الله فكرتي تعجبكم و نتفاعلو معاها جميعا
السلام عليكم
انا يا ختي نسوفري بزاف خدمتي ما عندهاش وقت معين ساعات في الليل سلعات في النهار مؤخرا لقيت حل لي هو الكونجيلاتور كي نتيب ديما نزود نص ناكلوه و نص نكونجليه لسمانة جاية سيرتو الحبوب و لي بات ما يفزدوش
و ثاني وجدت لا صوص تاع بيتزا و درتها في ساشيات صغار و كونجليتها العجينة ندير تاع 10 دقائق نوجدها صباح كي نروح في ليل نجبد و نتيب
ماسيدوان نوجد كيس سمانة في بورت مونجي و نخليه بيتراف ثاني
ديسار ندير فلان ديما نخليه وقت الازمة نجبدو الا عندي الوقت ندير موس ولا كرام الا مادرتش نجبد الفلان (ندير بزاف)
في الليل طول حاجة خفيفة الا فريت نقصو نعدلو و نخليه في الماء لعشيا غير نقلي ساعات شكشوكة نتيبها و في ليل غير نسخنها و نفرغ عليها البيض
ساعات ندير الغداء نفسو لعشا
ولي عندها طريقة احسن تساعدنا
فكرة مليحة والي عندها افكار تحطها
شكرا ليكم على تفاعلكم عزيزاتي
أنا تاني لقيت في البداية شوية صعوبة لكن مع الوقت بديت نوالف مثلا :
-نعمل دائما صوص الطماطم بكمية كبيرة و نضعها في الكونجيلاتور و هكذا نربح الوقت في تحضير القراتان أو البيدزا…الخ
-بنسبة للحبوب مثل اللوبيا و الحمص …نشمخهم ثم نحطهم في الكونجيلاتور و هكذا ما ياخذوش مدة طويلة في طيابهم .
– العدس نطبخو و نقشرو و نكونجليه لسلطات و الشوربات ..
– كذلك بالنسبة للخضر لي تاخذ وقت في تقشيرها كاقرنون و الجلبان .
– البطاطا قشريها و قطعيها و غليها شويةمن الليل وحطيها في الثلاجة و كي تجي من العمل إقليها ما تاخذش وقت في طيابها و تجي لذيذة و تقرمش .
– اللوبيا باش طيب بسرعة طيبيها بالمياه تاع سعيدة أو حطيلها قرصة خميرة حلويات .
و لي عندها أفكار ما تلخلناش شكرا
سلام
رجعتلكم بأفكار أخرى
– بالنسبة للحم عوض تحطيه في الكونجيلاتور فقط دوزنيه أحسن و ضعيه في أكياس محكمة الغلق خاصة اللحم لي تحضري بيه الكسكس يجي بنين بنين
-أطراف الدجاج كذلك دوزنيها مليح و حطيلها الخل و الحليب مع النوابل و الزيت و الثوم و اليوم لي تحتاجيها مباشرة إلى الفرن تجي طرية من داخل و مقرمشة و بنينة
– الديول ممكن تحضري ما شئتي من أنواع البوراك باللحم أو الدجاج أو الجبن ….. لكن نصيحة لما تحطيهم في الكونجيلاتور ما تحطيهمش فوق بعضم باش ما يلسقوش و لما يجمدو حطيهم في كيس أو علبة باش ياخذوش مساحة كبيرة في الكونجيلاتور.
– السمك إربحي الوقت و نظفيه أيام العطلة و لما تحتاجيه تلقايه منقي فحضري بيه و تفنني .
– ممكن تحضري كمية كبيرة من أوراق الشخشوخة و فتيها و حطيها في أكياس لما تخرجيها تلقايها كيما هي.
– الكسبر و المعدنوس قطعيه و حطيه في شوية ماء في لي قلاصون تاع الشلج و لما تحتاجيه أرميه كمكعبات في الشوربة
نظن أن الموضوع ما عجبكمش و لا ما كانش العاملات هههه
لهذه الدرجة الموضوع لا يستحق الرد
mawdo3ek raw3a rabi ybarek fik w y3awnek inchaalleh
|
المشاركة الأصلية كتبت بواسطة aicha3357
 mawdo3ek raw3a rabi ybarek fik w y3awnek inchaalleh
|
شكرا حبيبتي
chokren imane , ana sadikini fanyana kabira mane3refch ntayab ,ida 3andek afker zawidina bihem ,rabi ykon m3eki
ana antadir jadideki befarir alsabr
المشكل ليس في العاملات………………….. بل في الأفكار ………ههههههههههههههه
انا وزوجي نحبو الحميص دايما نشويه ونقيه في العطلة الأسبوعية و ما نتبلوش وما نديرش la vinigraite. وفي الوقت اللي نحتاجو نجبدو ……….. ويجي يهبل…………….وكأنه جديد…………..
|
المشاركة الأصلية كتبت بواسطة farida333
المشكل ليس في العاملات………………….. بل في الأفكار ………ههههههههههههههه
انا وزوجي نحبو الحميص دايما نشويه ونقيه في العطلة الأسبوعية و ما نتبلوش وما نديرش la vinigraite. وفي الوقت اللي نحتاجو نجبدو ……….. ويجي يهبل…………….وكأنه جديد………….. |
صح هذ ه الفكرة أنا أيضا نعملها شكرا ليك
حتى السلطة الخضراء نغسلها و نقطعها و نخليها في وعاء التقطير نتاعها في الثلاجة تشد حتى أربعة أيام
اختي القرنون ماشي مليح تكونجليه هكا سمعت و الله اعلم احنا تاني نطيبوا بالزايد نص ناكلوه و نص نخبوه للاسبوع القادم
فكرة مليحة انا ثاني عاملة بصح ما نكونجلي حتى ماكلة لأن عملي متقطع ليس طول اليوم وأحيانا لما نضطر نحضر في الليل زوج أطباق ولا أكثر حسب الوقت فمثلا الشربة والحريرة نحضر بزاف ونقسمها على العلب ولما نحتاج نسخن برك والشربة طبعا ما نحطلهاش الفرميسال مرقة برك