السلام عليكم
بما الان موسم الفلفل الاحمر وهو موجود بكثرة
عملت هريسة عربي للشتاء ان شاءالله وحبيت نوريلكم طريقتها ونتمن تعجبكم
بهده الطريقة الهريسه تصبر حتي اكثر من عام
اليكم الصور
ثم ساشرح
نقوم بغسل الفلفل ننزع له الرؤوس والبدورونجففه جيدا ونرحيه في الربو واللي ما عندهاش روبوفي رحاية اللحم الحديدية يجي هايل
نضع فيه الملح ونتركه يستقطر من 5 الي 8ساعات يبقي فيه القليل من الماء
شوفو كمية الماء التي نزلت منه في الصوره
بعد دلك نهرس مقدار من الثوم مع الفاح ونضع الزيت وحوالي مغرفتين الي ثلاثه خل احمرونخلط مع الفلفل انا خلطته بالبرا لكي يتخلط مليح
من بعد نعمروه في بلارات زجاج اوبلاستيك نتركه يومين او ثلاثة في المطبخ مع تحريكه مرة علي مرة ثم يحفظ بالثلاجة
طريقتي كما ترون في الصور اضع فوقه سنات ثوم مقطعين وحبات زيتون اخضر يعطيه دوق رائع
تحياتي للجميع
بارك الله فيك ام راضية
يعطيك الصحة
|
المشاركة الأصلية كتبت بواسطة *ام رامي*
 بارك الله فيك ام راضية
يعطيك الصحة |
مشكورة حبيبتي ام رامي والله يبارك فيك
بارك الله فيك على الوصفة و حبيت نسال ما تفوريهش و ما تطبخيهش بعد الرحى و كذلك و شنوع الفلفل يابس و لا طري كبير و لا صغير و شكرا مقدما و ارجوا منكي التوضيح اكثر
حيرتيني ماتفوريهاش انا ندير الهريسة بصح نفورها وبعد مانرحي الفلفل الحار مخلط مع الحلو ونشفها فوق النار من الماء اللي يبقى بصح راهي تبان بنينة خصتها المطلوع والفريت يعطيك الصحة
مليحة و حاجة نظيفة خير من تع برا
بالتوفيق
ربي يعطيكي الصحة
رائعة
سخفتيني هههههه
ممكن سؤال هل هذا الفافل حار ولاحلو
وهل قمتي بتفويره ام لا
|
المشاركة الأصلية كتبت بواسطة nawelsouad
بارك الله فيك على الوصفة و حبيت نسال ما تفوريهش و ما تطبخيهش بعد الرحى و كذلك و شنوع الفلفل يابس و لا طري كبير و لا صغير و شكرا مقدما و ارجوا منكي التوضيح اكثر
|
مشكورة اختي علي المرور
انا طريقتي الفلفل لا افوره ولا اطبخه
الفلفل عادي لكن لونه احمر وهدا موسمه خاطر هدا الفلفل غير موجود في الفصول الاخري
الفلفل يكون طري اي طازج
|
المشاركة الأصلية كتبت بواسطة أم ياسين الزهراء
حيرتيني ماتفوريهاش انا ندير الهريسة بصح نفورها وبعد مانرحي الفلفل الحار مخلط مع الحلو ونشفها فوق النار من الماء اللي يبقى بصح راهي تبان بنينة خصتها المطلوع والفريت يعطيك الصحة
|
بعيد عليك الشر من الحيرة حنونة
كنت حتي انا قبل نفورها لكن كانت ما تصبرش وتجي دابلة وتحماض بسرعه
هده الطريقة تجيك الهريسة بنينة وتصبرلك مدة طويلة
والهريسة حسب راي ما طيبش علي النار خاطر الفلفل يفقد نكهته يعني تولي كي الشكشوكة
الفلفل الحلو لكن كل واحد كيفاش يحبها كاين اللي ما يعملوش خلاص خاطر يحب الحار
انا عملت 2كيلو فلفل حار مع كيلوفلفل حلو
تبن بنينة هيا جربي اختي ورديلي الخبر
مشكورة علي المرور
|
المشاركة الأصلية كتبت بواسطة it’s me
مليحة و حاجة نظيفة خير من تع برا
بالتوفيق |
شكرا علي مرورك الطيب
طبعا لا يوجد كيما الحاجة اللي تخدميها باديك
|
المشاركة الأصلية كتبت بواسطة safioo
شكرا ليكي أختي
ربي يعطيكي الصحة
|
شكرا علي المرور الطيب
|
المشاركة الأصلية كتبت بواسطة katiya
رائعة
سخفتيني هههههه |
انت الرائعة حبيبتي
|
المشاركة الأصلية كتبت بواسطة katiya
ممكن سؤال هل هذا الفافل حار ولاحلو
وهل قمتي بتفويره ام لا |
الفلفل مخلط لكن كما قلت الفلفل كل واحد ودرجة حبه للحار
لم افورها نعمل الفلفل نئء لانه يطيب مع الوقت في الزيت والثوم