عندي سؤال من جرب معالجة الكوكاو للاخت الكريمة ام اسلام واية
كيف كانت النتيجة
انتظر تجاربكم لاني مقبلة على التجريب
رانى جربتها راها امليحة و الكوكاو ضعيه في المجمد باش يسهل عليك نزع القشور ليلة كاملة
انا جربتو مع البقلاوة وخرجتلي هايلة
صدقيني اختي راني جربتها وماجاتنيش مليحة راهو يبقى الكوكاو معجن و اتبعت نفس الخطوات جربيها بلاك تصلح معاك وماتكثريش على خاطر انا تاني كي جيت نجرب ماكثرتش
سلام صح فطوركم راني مالفة نفور الكوكاو ديما كيما نخدم بيه ونفس طريقة الأخت أم اسلام وأية برك أنا مانديرش القارص نفورو على الماء وحدو 20 دقيقة ومبعد اذا كان راكي مزروبة باه تخدمي بيه دخليه للفرن خفيف حتان ينشف ومبعدا أرحيه وزيديلوفاني نتاع الميزان واكستري اللوز الحلو والمر واذا كان ماكش مزروبة بيه خليه في صينية ينشف يومين ولا 3 ما تخافيش مايفسدش خلص على العكس تروح ريحة الكوكاو أنا مانحبهاش
شكرا لكم على الافادة القيمة