[H]السلام عليكم أريد أن أسأل عن الذين وصلهم الإستدعاء ومن أين يأتو بالإستدعاء هل من وهران أم من مستغانم وشكرا لكم جميعا.
و عليكم السلام أخي
أنا من مستغانم، رحت لمكتب الخدمة الوطنية قالوا لي اخدمنا الاستدعاءات و راهم عند الدرك
رحت شفت عند الدرك الوطني قالوا لي ما زال ما وصلوش ،و رانا قارعوا.
|
المشاركة الأصلية كتبت بواسطة عمر الفاروق 27
 و عليكم السلام أخي
أنا من مستغانم، رحت لمكتب الخدمة الوطنية قالوا لي اخدمنا الاستدعاءات و راهم عند الدرك رحت شفت عند الدرك الوطني قالوا لي ما زال ما وصلوش ،و رانا قارعوا. |
مرحتش لوهران غي في مستغانم؟
|
المشاركة الأصلية كتبت بواسطة said27330
مرحتش لوهران غي في مستغانم؟
|
انعم خويا، عندهم مكتب في مستغانم جاي من جهة الجامعة تع ليطا،
شوف راك عند الرونبوا تع الجامعة عندك الطريق المزدوج اللي يهودك للكانزيام تنجم تروح معاه تفوت الجوندارم و مبعد عندك زنقة على ليسرتك تع الطاكسيات تع صلامندر مشي هي زيد كمل تزيد تلقى زنقة وحد اخرى على ليسرتك مشي هي، الزنقة الثالثة دور معاها و كمل حتى يبان لك المكتب، و لا راك عند الرونبوا عندك الطريق على ليسرتك اللي تديك للسومباك، و عندك الطريق اللي بيناتهم اللي تديك عند الطاكسيات تع صلامندر انت كمل حتى يبانلك الباب الكبير تع الثكنة و العيادة بيناتهم طريق على ليمنتك تدخل في وحد الزونقة روح معاها حتى يبانلك المكتب غير فما مشي بعيد.
الله يوفق خويا.
أمين إن شاء الله شكرا لك أخي.
هل حقا المؤسسات العسكرية الخاصة بالتجنيد مصنفة حسب الشهادات و الكفاءات.
على سبيل المثال مجند يحمل شاهدة أدبي يسرح في حلة جند في مؤسسة تجند سوى العلميين والعكس يطبق.
ونرجو من الزملاء تزويدنا بتصنيف مؤسسات التجنيد في الوطن.
السلام عليكم انا من ولاية مستغانم و اريد اجوبة لمن يعرف يفيدنا بالمعلومات
-متى تبدا عملية التطوع في الناحية العسكرية الثانية
-هل ممكن الحصول على ordre d’appel في مكتب النوجيه مستغانم في يومها او الانتظار ايام
-ماهي الامراض الاكثر قبولا في ملف طبي