السلام عليكم واش راكم يا خواتاتي
اليوم عندي اقتراح و ان شاء الله تكونو معايا في رايي و تكون المشاركة كبيرة
في هدا الوقت الغلاء راهو بزاف و المعيشة تكوي الراجل و المرا يخدمو و راهم قد قد فما بالكم العائلة اللي فيها الراجل خدام برك
لهدا قلت و فكرت مع نفسي علاه ما تقومش كل واحدة فينا تعرف طبخات اقتصادية و ناجحة بكتابتها و تعريفنا بيها و هكدا تعم الفائدة
ان شاء الله نستفادو كامل
انا جربت بطاطا حمرة تاع الاخت ام رامي و جات هايلة و بنينة و فكلرتني في بكري
و هدا هو الرابط https://www.djelfa.info/vb/showthread.php?t=886356
هلموا لكي تعم الفائدة
فكرة رائعة
لى عودة للموضوع باذن الله
فكرة رائعة يعطيك الصحة
شكرا لك حنا دايما مع الاكلات الاقتصادية
حتى مالبطاطا لي تنحي علينا التخمام راهي غالية
روحي لهاذ الرابط تلقاي وصفات ملاحhttps://www.djelfa.info/vb/showthread.php?t=581548
ههههههههههههههههههههههههههههه و الله غير شبعت ضحك يا اختى لعزيزة البطاطا راهى دير 12الف وراه الاقتصاد نقولك حاجة انا و الحمد لله قادرة نشريها بصح كرهتها من الغلا نتاعها و عندى اكثر من شهرين ما دخلتليش للدار و السبب انو ( اذا غلا الشىء ارخصه بالترك ) اختى فكرتك رووووووووووووووووووووووعة و ان شاء الله كامل نكونو مع بعض ضد هذا الغلاء الفاحش
بارك الله فيك على الفكرة و صح لازم تكون المرا خدامة باش يتعاونو
أنا قاعدة فالدار بصح الحمد لله منظمة معيشتي البطاطا نشريها بصح في الطياب نطيب خطرة برك
يعني غدايا هو عشايا مع أننا غير أنا و زوجي و بنتي
و كل المواد الغذائية نشريها بالشهر حنا نقولول قضيان الشهر
نشري كلشي بالدوبل و كل ما يكمل الشهر نخبي اللي بقات للحصلة و نعاود نقضي
خطرة في شهر رمضان مقضيت والو لخطرش كنت مخبيا كلشي
قلتلكم على معيشتي نشالله ديرو كيما هاك و الله راني مهنية فالمصروف
نشالله تنخفض الأسعار و الله حليل اللي معندوش ربي معاه
يا اختي واش نقلك في بلادنا الزوالي مسكين ما بقاتلو معيشة رانا نشوفوا في عايلات كي المراة كي الراجل يخدموا في زوج و قالوا ماطقناش للمعيشة راها ولات نار و حتى البطاطا الي كانت فاكة علينا الغبينة راهي غلات واش نقولوا الله يكون فالعون و خلاص يا لحبيبة 
choukran akhawati 3ala etafa3oul ma3i nourid tachji3 akthar
اختي قبل كي نحصلو مانلقاو مانطيبو نديرو بطاطا
لانها ديما متواجدة في الدار وتقدري تطيبيها كيما تحبي اقل شيء تقليها
درك وين راهي؟ راهو طلع شانها ووصفة اقتصادية بالبطاطا مانضنش
مشكورة عالموضوع
تاني الحبوب هي طلع شانها الحمص راهو ب 20 الف
قوليلي واش ياكلو الناس
الخضرة اقل شيء ب 8 الاف
بطاطا من نهار لي غلات مزال مدخلهاش بابا لدار
ربي يكون في العون
|
المشاركة الأصلية كتبت بواسطة قطيطوشة
 تاني الحبوب هي طلع شانها الحمص راهو ب 20 الف
قوليلي واش ياكلو الناس الخضرة اقل شيء ب 8 الاف |
في بسكرة 28 الف
صح كلشي اغلى
صح عندك الحق وحنا جازو علينا يامات حتى قبل هادو وجازو على مالينا ونسفى كانو ديما يسلكو راسهم بشخشوخة الخبز البايت والعصيدة شحاااال بنان واقتصاديين