مشكلتي مع الاصدقاء و الاقارب 2024.

ربي يهديهم بالصح أنا من وجهة نظري انك تطالب بحقك سينون رايحين ما يبطلوهاش هذي العادة و يقولو راو ناس ملاح معليش نعاود نطلبو بسكو ماراهوش راح يرجعني و أتاني ماهوش راح يقولي وين راهم دراهمي لوخرين

من راي لازملك تواجهم اخي الكريم و ما تخليش حقك يروح على خاطر حاجة الحق ما فيهاش عيب

طالب بنقودك عادي يا اخي الواحد ما يستحيش من هذه الامور
و زيد الى متى تبقى تسلف في اموالك
اخاف يوما انك انت تحصل و ما تلقا حتى واحد يساعدك
شوف كيما قالت الاخت الاولى قلهم بلي راك راح تشري قطعة ارض او راك راح تشري شقة و بلي راك في الديون المهم يخطوك
يا ربي تبدا تخمم في مستقبلك و دير حاجة مفيدة بنقودك مش تبقى تفرق فيهم علا الغاشي

خويا متزعفش مني مي راك نيا مشي عيب نعاونو بعضنا خصوصا ادا الطالب كان اخ او اخت لكن ماشي معنتها يطيحو عليك ايا غدوا كيتولي مسؤول على دار واولاد واش دير

خويا انا ننصحك

ماتمدلهمش لانك تحصل معاهم و كماقلت ماتقدرش تقولهم يردولك هكا يديرو دايمن يبروفيتيو

الحق حق طالبهم بدراهمك بلا حشمة

لا تسلف و لا تسلف

لا تقرض و لا تقترض هذا هو شعاري في الحياة

بجب عليك بمطالبتهم بالمال
او لا تعطي لهم من الاساس

كاين الي يستهل باش اتسلفلو لكن للاسف قليلون ويجب عليك تمييز الناس ..لكن باش اتولي اتمد لقاع الناس لا يا اخي ..وتاكد ان البعض ما يسحوش ولو كانو من الاقارب يعني اذا القاوك نية وما اتقولش لالا خلاص راحت عليك .