مشكلتي أني مرحة فوق اللازم 2024.

ممكن البعض يراني شخصية عادية أو ليست بمشكلة لكن بالنسبة لي هي مشكلة فمشكلتي تتمثل في شخصيتي و سوف أحاول تحليلها بشكل تفصيلي
حتى تستطيعون التقييمي هل أنا مخطئة أم على صواب
فأنا أحب المزاح كثثثثثيييييييرا و المقالب و كثيرة الحركة و اليوم الذي لا أعمل فيه مقلب أو أمزح مع شخص لن يكون عادي بالنسبة لي في المنزل في العمل في كل مكان …………و أحب اللعب لدرجة لا تتصورونها مع أني موظفة و دات مركز لا يستهان به يعني حساس جدا المكان الدي أكون فيه مستحيل لا يكون فيه ombionce مستحيل هادي طبيعتي حاولت بشتى الطرق أن أغير من طبيعتي و تصرفاتي من خلال شراء كتب أو الأنترنت …..لم أستطع و حتى الموظفين و الموظفات الذين يعملون معي يحبون العمل معي ،برغم من أني جدية و حازمة في عملي لكن بطريقة …مانقدرش نشرح ….تخونني العبارات …لكن الأهم عملي يأتي في وقته و يقولون لي دوما اليوم الدي تغيبين فيه عن العمل يوم كئيب و ممل و تتركين فراغ كبير و حتى في منزلي مع أهلي عندما أغيب في سفر يقولون لي المنزل كان فارغ بالرغم من أن كل العائلة أتركها في المنزل و أنا إجتماعية لدرجة كبيرة جدا جدا و الجميع يحب صحبتي و رفقتي حتى الموظفين الدكور و أردت أن أذكر شيئ مهم حتى لا أنسى أن الفتيات في كثير من الأحيان يصفونني من خلال طريقة التفكير دكورية يعني أتعامل وأتحدث مثل طريقة الرجال حتى في أهدافي و طموحاتي وحتي مثلا لو حدث معي خلاف مع أي شخص ليس لدي خوف أو ريبة مهما كان الشخص يعني بالعربية واعرة شوية …..هههههه…… لكن ما يزعجني أنا أني في بعض الأحيان أجد نفسي في مواقف لا أحسد عليها ووضعت نفسي أنا فيها بسبب شخصيتي أو طبيعتي أنا هكدا دايرة ماقدرتش نبدل طبيعتي ربي يعلم أني حاولت لكن و الله plus for que moi دلوني كيف أغير طبيعتي

جميل أنك مرحة بشوشة اجتماعية و الأجمل من ذلك أنك جدية و حازمة في العمل و لكن لكل شيء حدود عليك أن تتحكمي شويا في نفسك ممكن أن يفهمونك غلط و لاحظي كيف أنهم يصفونك بأنك ذكورية و هذا ما لا تحب أي فتاة أن توصف به فكري في المستقبل و نظرة الشباب إليك و خاصة الذين لا يعرفونك ؟؟؟؟؟؟؟؟ ، كما أنك حازمة و جدية في العمل ممكن تكوني كذلك في تصرفك و ذلك يتطلب الإرادة حاولي ستجدين طبعا صعوبة في البداية و لكن لا تيأسي وفقك الله آميـن

ختي بلاك راهم يضحكو عليك سيغثو كي وصفوك بالذكورية

نصيحة ماتضحكيش معاهم بزاف وماتحاوليش تضحكيهم ولا تخففي دم على جالهم في داركم اوك مي في الخدمة نصيحة ماتضحكيش بزاف

ودبري راسك

اقتباس:

المشاركة الأصلية كتبت بواسطة مشكلتي ممكن البعض يراني شخصية عادية أو ليست بمشكلة لكن بالنسبة لي هي مشكلة فمشكلتي تتمثل في شخصيتي و سوف أحاول تحليلها بشكل تفصيلي حتى تستطيعون التقييمي هل أنا مخطئة أم على صواب فأنا أحب المزاح كثثثثثيييييييرا و المقالب و كثيرة الحركة و اليوم الذي لا أعمل فيه مقلب أو أمزح مع شخص لن يكون عادي بالنسبة لي في المنزل في العمل في كل مكان …………و أحب اللعب لدرجة لا تتصورونها مع أني موظفة و دات مركز لا يستهان به يعني حساس جدا المكان الدي أكون فيه مستحيل لا يكون فيه ombionce مستحيل هادي طبيعتي حاولت بشتى الطرق أن أغير من طبيعتي و تصرفاتي من خلال شراء كتب أو الأنترنت …..لم أستطع و حتى الموظفين و الموظفات الذين يعملون معي يحبون العمل معي ،برغم من أني جدية و حازمة في عملي لكن بطريقة …مانقدرش نشرح ….تخونني العبارات …لكن الأهم عملي يأتي في وقته و يقولون لي دوما اليوم الدي تغيبين فيه عن العمل يوم كئيب و ممل و تتركين فراغ كبير و حتى في منزلي مع أهلي عندما أغيب في سفر يقولون لي المنزل كان فارغ بالرغم من أن كل العائلة أتركها في المنزل و أنا إجتماعية لدرجة كبيرة جدا جدا و الجميع يحب صحبتي و رفقتي حتى الموظفين الدكور و أردت أن أذكر شيئ مهم حتى لا أنسى أن الفتيات في كثير من الأحيان يصفونني من خلال طريقة التفكير دكورية يعني أتعامل وأتحدث مثل طريقة الرجال حتى في أهدافي و طموحاتي وحتي مثلا لو حدث معي خلاف مع أي شخص ليس لدي خوف أو ريبة مهما كان الشخص يعني بالعربية واعرة شوية …..هههههه…… لكن ما يزعجني أنا أني في بعض الأحيان أجد نفسي في مواقف لا أحسد عليها ووضعت نفسي أنا فيها بسبب شخصيتي أو طبيعتي أنا هكدا دايرة ماقدرتش نبدل طبيعتي ربي يعلم أني حاولت لكن و الله plus for que moi دلوني كيف أغير طبيعتي

انت راكي لباس بيك لكن اخصك راجل في حياتك طبعا في الحلال اعذبلك عواطفك اشوية واشتتلك عقلك اشوية وارتبك واهديك احيانا هكذا اتولي مليحة .

السلام عليكم ورحمة الله تعالى وبركاته
اختي والله راني نقراء في رسالتك وانا نضحك على روحي لاني نقريب واش قلتي فيا
وانا من المتوسطة وانا شريرة والثانوية واش درت في ا لبنات والمراقيبن ربي يغفر ليا برك بصح مش حاجة اتع حرام او لا عيب مقالب مضحكة لكنها غير مؤذية نعطيك مثال كنا نقراو سنة اولى ثانوي والاستاذ غاب دخلنا للقاعة كنا نلعب ونطبلوا وحالة فوضى وعندنا مراقب عام ياربي صوته يجلل الجبيال المهم انا كنت نطل من النافذة كنت دايرا حالة نشوف المراقب جاء من بعيد قلت لهم سكموا رواحكم وعدت نكتب في السبورة ونشرح في درس العلوم دخل المراقب وبداء يمدح ويشكر الاخلاق ولالادب والعلم وانا راني قريب نموت بالضحك ….والله تبقى الشخصية المرحة صعب تتغيير مهما تحاولي لكن لان مكع المرض نقصت
شوية بصح واش نقولك لازم حيوية حتى مع التلاميذ ….
اما مع الرجال نصيحة اخطيك منهم خليك عادية سلام سلام فقط لانهم كاين ناس مرضى بالعكس كوني معهم قوية وكوني صادقة مع ربي ومع الناس ربي يسهل امرك ام كلام الناس راه ما ينفع مايضر
ثاني حاجة اخرى هاك راك تجيبي العين الروحك الناس كامل تعتقد انك سعيدة .
اما النغيير ا ذا لقيتي خبريني لاني لو كان ساعة ما نهدرش وما نضحكش كا مل يسولوني واش بك كاش ما صرا ………….
يعني اضحكي وتمتعي بحياتك ولا يهمك وتبسمك في وجه اخيك صدقة .والله تبقى المقالب في الذاكرة تخيلي لان كي نروح للباك كا حارسة نتفكر المقالب والاماكن ونموت بالضحك عندها .برك ما دريش حاجة تغضب ربي .

السلام عليكم أختي عتدي نفس عقليتك تماما مي الحمد لله يحبوني ناس بزاف ما نقدرش نقعد سيريو وندير القوالب مي يضحكوا ماشي للأذية رغم أني مريضة مي والله مرات نتوجع وندير قالب لكاش واحد من الأهل حتى الطبيب نتاعي ما سلكش مني مي الحمد لله إن شاء الله نبقى هكذا خليك هكذا وتلقاي واحد يزيد يكمل معاك الحياة وهو راح يهديك أنا نتمنى نبقى هكذا حتى ومرات نبكي ونضحك عاجبني الحال ربي يدوم ضحكتك

اختي راني كيفك مالقري مانيش سعيدة في حياتي ياسر بصح ديما نضحك و مدايرة لومبيونس في الليسي .مي راني لولا تاع الليسي و المراقبين المعلمين و المدير و حتى العساسة يحترموني .و مع العلم اني اكثر مشاااااااغبة بصح منديرش حاجة تضر غيري و نضحك في وقت الضحك و نقرا و نكون سيريوز في وقت الخدمة. ربي يحفظك من العين حنونتي و كملي هاكدا و كيما يقولو اضحك للدنيا تضحكلك بصح لازم منديباسيوش ليليميت.

كلنا لدينا شخصية وانتي هذاي شخصيتك حافظي عليها وماكانش الي مايطيحش في المشاكل والمواقف الصعبة اتقبلي نفسك فالناس بسيف عليهم يتقبلوك