السلام عليكم ورحمة الله
اخوتي الكرام
لدي مشكلة اريد ان اقبل على فعلها واتردد كثيرا لذا اريد ان ترشدوني لما هو خير
ابي يسكن في قرية بنيت بعد الاستقلال..وسكنا فيها في 1975
وهي قرب الطريق الوطني رقم 5
المشكلة هي ان السكان بعدما تكاثروا فاستحوذ كل فرد عن شطر زائد من بيته وفيه من قام بعمل جنينة وغيره
المشكلة هو انه كل واحد اخذ نصيب منها الا الذي يسكن في طرف الاخير بقيت هناك مساحة تستطيع ان تبني فيها اربع فيلات وهو اصلا قام ببناء فيلا بمحلات في المساحة الزائدة تلك وهناك المزيد وهي مباشرة للطريق
المشكلة التي تراودني …هو انني اريد ان اطلب منهم طلبا وليسا امرا الشطر الاخير وهي مجانية تابعة للدولة ….واخاف المشاكل لكن قد لا تكون هناك اي اشكال….فحين اعترض احدا فينتهي الامر واخاف ان تسوء الحالة واقع فيما لا يحمد عقباه….
وبما ان الدولة سمحت لهم بالبناء فما الذي يمنعني باستغلال شطر منه انا ايضا….
وشكرا وارجو عدم الرد الا للنصيحة وليس للاستهزاء وشكرا
اذا المساحة غير مستغلة
الاولى ان تشاور جيرانك يعني انك حاب تديها ايمن بعد تمشي للجهة المسؤولة
خاطر اذا رفضوا الجيران بصعوبة باش تقدر تتقدم في الامر
فقط كن كيس معهم وفطن وربي ينولك لي في بالك
انوي الخير تلقى الخير
الاستخارة تنورلك طريقك
حاورهم بالتي هي احسن لربما لا يوجد مشكل من الاساس
الخطوة الاولى هي الصعبة وردت الفعل المجهولة….بالتوفيق …..
تقول ان الدولة سمحت لهم بالبناء لا اظن انها مشكلة اذهب للسلطات المعنية او استشر جيرانك في الامر اكيد سيفيدونك افضل و ان شاء الله تنال مبتغاك
أتوكل على ربي و قولي بسم الله
استخيري اولا و افتحي معاهم الموضوع لن يندم من استخار ربي معاااااااااااااااااااااااك
هي اصلا تاع الدولة …اذا علاه نقيمهم من اصلو كيما بناو هوما ادي انت ….
انا اخر انسان يستشار في مثل هته الامور…………………………ومع هذا على حسب مافهمت………………….نقولك حاول ………………….انت ماتبخلش روحك وادا بخلوك ولابخلتك الدولة هاديك حاجة اخرى
يعني حاول وشوف؟؟؟؟؟؟
الحل لكل مشكلة الدعاء .. الاستغفار و الاستخااااارة
و ان شاء الله ينفعوك كل من رد هنااااا
الحق يا أخي لا أرى أية مشكلة في الأمر سوى مشكلة خوفك من ردة فعل جيرانك
لأنك – ربما – تخشى الخصام بينكم ،
ولكن ، عقلانيًا، مادام كل واحد من السكان استغل مساحة فهي إذن حقٌّ لكل فرد
وأنت أحد هؤلاء الأفراد، فكيف لا تحقُّ لك ؟ صح ؟
نقولك توكل على الله و كَلِّم السلطة المعنية ، إذا قالولك أن الأرض اللي باغي تدِّيها متوفرة
( يعني ما حكمهاش واحد قبلك ) فهي ملكك و ابني فيها وش تحب
وأكيد واحد ما رح يقدر يقولك علاش تدِّي فيها،
فأنت بلسان قلمك قلت أن الأرض مجانية ومسموح استغلالها
وما تنساش صلاة الاستخارة ، و ربي ييسرلك أمرك و يوفقك إن شاءالله
الاستخارة تنورلك طريقك
إذا شاورت الجيران والله ماتشوفها على خاطر الناس يحسدوك
كل واحد يقول وليدي ولا خويا خير من هذا اللي ناوي يديها
زيد ماتعطيش للناس قيمة وحق هوما مايستاهلوهش راح يولي كل واحد يدبر عليك بالطريقة اللي تخرج عليه هو ماشي انت وربما حتى يغلطوك ويخوفوك
تقدم بالطلب للمصالح المعنية
وإلا ندبر عليك تدبيرة تاع جزايرية
المرة الأولى حوط المنطقة وحط فيها جاج وحمير (أعزكم الله جميعا) وخرفان وأجزاء سيارات مكسرة
اثانيا
إذا وجدت أنه ليس هناك ردة فعل من طرف الجيران
حاول وضع الإسمنت على المنطقة التي أخذتها يعني دير سور وإذا صبت الحالة ساكتة ابدأ ابني ثم روح للدولة باش تسقملك الوضعية
ومبروك عليك الدار
كيما دارو لي قبلك دير انت….