اخواتي الكريمات اولا حبيت نشكر كل وحدة وقفت معايا وسالت علي ودعاتلي بالشفاء واعتدر منكن ان كنت بعيدة على المستوى المطلوب لان الطبيب منعني من الاقتراب من الحرارة ونصحني ان ابتعد عن المطبخ خلال هدة الفترة حتى تجف الحروق لكن لانكم عزاز وغاليين عليا قلت نقدم ليكم حاجة خفيفة وبسيطة برك المهم نكون في الموعد
بسبب المشرفات رجعنا من طباخات الى مصممات ازياء هههههه المهم هاهي عروستي الي حابة تخطب ونقولكم لنها بسيطة جدا واي وحدة ممكن تعملها حتى ولو عمرها ما دارت طورطة وفيها فكرتين جديدتين من ابتكاري ههههههههههه شفت المرض واش يدير وزيد تحضر في وقت قياسي في ساعة تكون واجدة راني نهدر على خصالها باش يكثرو الخطابة عليها ههههه
الفكرة 1 / عجينة البسكويت للتغليف
الفكرة 2 / وياغورت بالفاكهة لحشو االطورطة
نمرو للمراحل والتحضير اعتمدت على البساطة والسهولة وهي في متناول المبتدئات واقصد هنا الي مجربتش من قبل الكيكات والكريمات يعني ممكن تكون هادي درجة اولى في السلم ومن بعد تتعلم اكثر واكثر وتنوع في الكريمات والحشوات
اولا عجينة البسكويت
هي عجينة ممكن تنفعك في يوم لتغليف الكيك الصراحة هي عجينة اللوز لكن بدلت اللوز ببسكويت مرحي غبرة
نحتاجو 250غ بسكويت مرحي أي نوع تحبي انا استعملت تع 10 دج
250غ سكر ناعم
ملعقة كبيرة زبدة طرية
ملون غدائي
شربات في نصف لتر ماء 250غ سكر
تحضير العجينة/ سكر + بسكويت مرحي وزبدة نخدمهم مليح من بعد نضيف الشربات باردة وتكون عاقدة ماشي خفيفة من الاحسن نضيفي اللون الابيض من بعد نصبغو العجينة حسب الرغبة
حضرت الجينواز درت 4 حبات بيض لاني حبيت ندير الدمية جالسة ماشي واقفة 4 بيض- 120غ سكر -150غ فرينة -رشة فانيلا -كيس خميرة حلوى
قطعتها على 4
حبيباتي لاني منقدرش نحرك يدي بزاف استغنيت عن الكريمات لاني نعتمد في طرطاتي على كريمة الزبدة بخليط النشاء ولكن يتطلب التحريك المستمر على الفرن وانا ممنوع عليا الحرارة
فكرت في طريقة ولقيت هادي
نعم ياغورت الفواكه استعملت جنينة وعصير كوكتال
نبلل قرص الجنواز بالعصير ثم نحط الياغورت وهكدا حتى نكمل الاربع قطع
حليت عجينة البسكويت
حطيتها على الاقراص ووضعت الدية في الوسط انا استعملت غير نصفها الارجل لا و لفيتها بالمنيوم لان الجزء راح يدخل في الكيك
زينتها بكريمة شونتي
وورود عجينة اللوز
شكل الفستان من الوراء
باقي الصور
شكلها من الداخل
في الاخير تحياتي لكل الحبيبات وحظ موفق للمتنافسات الغاليات
واعدروني مرة اخرى وراعو ظروفي لانو ماكانش حاجة من مقامكم وتمنيت نقدم اكثر
للعلم فهي من مجهودي الخاص وماجبت حتى حاجة ولا فكرة من قوقل او منتدى اخر وهادي في كامل وصفاتي في المسابقة
لانو مدونة الجيريا يستاهل انو الواحد يخدم راسه شوية ويعصر ابداعاته ويقدم الجديد لاول مرة ومايكونش في منتديات اخرى
[/B]
الله الله
ماشاء الله لاقووة الا بالله
هددا وراكي مريضة ماشاء الله
عروووسة شابة وهداك الشعر المسبسب ههههههههه
تسلمي ونتمنالك كل التوفيق
روووووووووووعة نجي نخطب ههههههه
|
المشاركة الأصلية كتبت بواسطة *أم كوثر*
 الله الله
ماشاء الله لاقووة الا بالله هددا وراكي مريضة ماشاء الله عروووسة شابة وهداك الشعر المسبسب ههههههههه تسلمي ونتمنالك كل التوفيق |
الله يسلمك استادة وشكرا ليك على الاطلالة الرائعة
تحياتي
|
المشاركة الأصلية كتبت بواسطة روعة الصحراء
روووووووووووعة نجي نخطب ههههههه
|
مرحبا حبيبة وشكرا على زيارة موضوعي
السلام عليكم
يعطيكي الصحة أختي الوهرانية
غدوة نجو نخطبو ههه
تسلم الأيادي
يعطيك الصحة اختي الوهرانية عروسة وعليها لكلام
ربي يشفيك انشاء الله
لا باس عليك أختي الوهرانية وعلى فكرة رانا من ولاية واحدة 
اممم عجبتني العروسة واقيلا صح نجي نخطب 
وعجبتني الوصفة تاعك وحتى فكرة تبديل كريمة الزبدة بالياغورت روعة غير ثمّ لقيتي الحل.
نتمنى لك التوفيق وربي يشفيك وترجعي لنا بنشاطك المعهود. بصح تبعي نصائح الطبيب باش تريحي بسرعة
موفقة يالغالية
|
المشاركة الأصلية كتبت بواسطة amina20mina
السلام عليكم
يعطيكي الصحة أختي الوهرانية غدوة نجو نخطبو ههه تسلم الأيادي |
مرحبا حبيبة ربي يخليك اختي على المشاركة
|
المشاركة الأصلية كتبت بواسطة zhor1970
يعطيك الصحة اختي الوهرانية عروسة وعليها لكلام
ربي يشفيك انشاء الله |
اللهم امين يارب العالمين سلامي ليك اختي الغالية وتحياتي
|
المشاركة الأصلية كتبت بواسطة بنت الحاج
السلام عليكم ورحمة الله وبركاته
لا باس عليك أختي الوهرانية وعلى فكرة رانا من ولاية واحدة نتمنى لك التوفيق وربي يشفيك وترجعي لنا بنشاطك المعهود. بصح تبعي نصائح الطبيب باش تريحي بسرعة |
شكرا على كلامك الحلو ودعمك حبيبتي
ربي يحفضك ومتشرفين جارتي
|
المشاركة الأصلية كتبت بواسطة biba04
يعطيك الصحة الوهرانية وربي يشفيك ويعافيك راكي درتيها تهبل ومع المرض وش نقولك راكي مراء ونص وجزايرية نتاع الصح
موفقة يالغالية |
ربي يخليك بيبة اختي راكي طلعتيلي المورال بكلامك سلامي ليك
هايلة هايلة الوهرانية
ربي يشفيك عزيزتي