هذا المستحضر يدخل في تحضير الكيكات la genoise و les madlaines و les buches
هو الميكسو يستخدمونه كامل les patissiers في تحضير الكيكات أرجو أن استفدتم والتي تعرفه زيد تعطي لنا بعض les ressettes للكيكات خاصة les buches
أنا البارح خدمت بيه la genoise وجات هايلة فيها الميكسو
أعطيني رأيك الأخت كوثر وهل تعرفيه أولا
السلام عليكم
أولا شكرا لك أختي على المعلومة
و لكن عبارة عن ماذا هذا المستحضر ؟ و ما هو تأثيره على الحلويات ؟
و هل هو متوفر في الأسواق الجزائرية ؟
هل منردود ولا ماكمش interesser
شكرا abyla سوف أزودك بالمفيد قريبا
اول مرة نسمع به
حتى انا اول مرة نسمع بيه
ماذابيك تزيدي تشرحيلنا اكثر عن تاثيره في الحلويات
هذا الميكسو يتباع عند لي بيعو الحوايج تاع القاطو لكن يتباع في باطة كبيرة وهو على شكل graisse بيضاء وهو منتوج تونسي المهم لي تقدر تروح عند patissier وتكون المشترية تاعو ويعرفها يقدر يبيعلها باطة صغيرة شرط يكون يخدم بيه في حلوياته وفي الأخير نقدم لكم الوصفة تاع la genoise لي خدمتها لوليداتي فضوها في نهارها مخلوش منها طرف
مقاديرla genoiseبالميكسو
6بيضات+200غ سكر عادي+300غ فرينة+2ملاعق صغيرة ميكسو +فنجان ماء دافئ+10غ خميرة كيميائيائية
التحضير
في وعاء نضع البيضوالسكر والميكسو والفرينة ونخفق بالمضرب لمدة 20ثانية وهذا هو سر الميكسو انه متبقايش تحطي في كل مرة حاجة مع اليكسو نضع كل شئ مع بعضاه وفي أقل وقت ممكن ننجز لاجينواز نرجع للوصفة نضيف الماء الدافئ ونواصل الخفق مرة أخرى 20ثانية في الأخير نضيف الخميرة ونمزج الخليط 5ثواني ندهن القالب بالزبدة قطره 20سم لازم يكون هذا القطر وليس أقل حتى كتتنفخ الحلوى متخرجش على الجانبين ولما نخرجها تهبط
بعد سكب العجينة في القالب تطهى في فرن 170 درجة لازم ولمدة 45دقيقة
عدم فتح الفرن 30دقيقة الأولى
ممكن أن نحصل على جينواز شكولا بإضافة الكاكاو
وعند ماتطيب نخليها تبرد ونغطيها بlacreme chantille ونزينها بالفواكه[/b][/u][/u][/u][/b]
|
المشاركة الأصلية كتبت بواسطة emily21
 هل منردود ولا ماكمش interesser
شكرا abyla سوف أزودك بالمفيد قريبا |
العفو و لكن الشكر لك أختي على الافادة ، سأبحث عنه ان شاء الله
ولكن اختى مافهمتش ما هي فائدته واش يدير للكيكة يمدلها ذوق مميز مثلا او شيئ اخر
عوض أن تبقي تضربي البيض وحده والسكر وبعد مدة نضيف الفرينة والباقي تخلطي كل شئ مع بعضه وتتحصلي على خليط خفيف مثل الميرانغ وشديدة البياض وإذا زاودتي في الفرينة مثلا ماتبانش لأنه يعدلها فهو كما قلت سابقا مثل la graisse وتخرجلك الكيك مثل التي تنباع عند patissier وأحسن تضمني النظافة والبهاء إذا زينتيها بالفواكه التي تحبيها أو يحبها ولادك وتكون بسعر أقل لما تحسبيها مقارنة مع سعر الحلواني
وكذلك تكون خفيفةوبننها أحسن من التي نعرفها التقليدية عموما هذا المنتوج لو لم يكن عنده فائدة لما خدموه وسبقونا ليه les patissiers ومازال مايعرفو حتى واحد القليل فقط لأنه كما يقال من أسرار المهنة على العموم لي لقاتو تجرب هذا المقادير بالذات تاع la genoise
شكرا hadil146
اعطينا الصورة ادا امكن
اجل هذا المستحضر استعملته وقت هو يساعد على طلوع الكيكات والخبز الي يصنع بالبيت ايضا ولا يتركهم ينزلو يعني طلوعهم ناجح مهما كانت الظروف مش مواتية ولكن يقولون ان كثرته مضرة بالصحة والله اعلم
الف شكر اختى العزيزة