بسم الله الرحمن الرحيم
انا اتخرجت هاد العام وماني فاهمة والو في حكاية العقود والادماج… اساسا انا مش نسقسي ياسر
وعندي لسانس في الادب…… مي درك حابة نخدم قولولي واش اندير
احتاج نصيحتكم انتم يا اصحاب الخبرة والناس الفاهمة
وحفظكم الله
اختكم في الله
المســـــــــــــــــــــــــعدية
روحي لانام باش يخدمولك البطاقة الزرقاء
ومنبعد سقسيهم اذا راهم يمدو في عقود ما قبل التشغيل او عقد ادماج باش يمدوولك عقد باش تخدمي به
ربي يجيبلك الخير ويرزقك ويرزقنا عمل دائم ونتهناو من عقود ما قبل( البطالة ههههه) اقصد التشغيل
اقعدي في الدار احسن ههههه نقصر معاك اختي كيما قاتلك الاخت اخدمي الورقة الزرقاء و من بعد لازم انتي تاكتيفي لانو حتى عقود ما قبل التشغيل ولات و واعرة و انصحك بالمشاركة في المسابقات
و الله نصيختي ليك
كمل قرايتك و ديري مجيستار الانو من بعد تندمي و تقولي لزان غير كملت
ليسانس راها ما تببانش
ربي يسهل
روحي شوفي كاش راجل ولد حلال وتزوجيه وديري دار
ربي يفرج علينا وعليكم…..طبعا لابد من التوجه لمكتب التشغيل وأن تستخرجي بطاقة التشغيل أو ورقة التشغيل بالأحرى لأنه لم تعد هناك بطاقة زرقاء ….وسيوضحون لك باقي التفاصيل.
انا من رايي اختي الفاضلة مكانش قد التعليم وخاصة انك امراة ديري برايي مدام عندك ليسانس ادب توجهي لمديرية التربية وين راكي وحاولي قدر المستطاع تحصلي على منصب وتقري وان شاء الله يدمجوك يارب.اختي بحكم اني ليسانس علوم سياسية صدقيني ندمت اني مدرتش تخصص يسمحلي اني ندرس وخدمت عامين في كل الإدارات وكرهت والآن راني نخدم كإدارية بمتوسطة الحمد لله .نتمنى تتقبلي النصيحة وصدقيني مش راح تندمي بربي.
روحي لانام باش يخدمولك البطاقة الزرقاء
ومنبعد سقسيهم اذا راهم يمدو في عقود ما قبل التشغيل او عقد ادماج باش يمدوولك عقد باش تخدمي به ربي يجيبلك الخير ويرزقك ويرزقنا عمل دائم ونتهناو من عقود ما قبل( البطالة ههههه) اقصد التشغيل |
يعطيك الصحة على الرد اختي الكريمة وجزاك الله خيرا
اقعدي في الدار احسن ههههه نقصر معاك اختي كيما قاتلك الاخت اخدمي الورقة الزرقاء و من بعد لازم انتي تاكتيفي لانو حتى عقود ما قبل التشغيل ولات و واعرة و انصحك بالمشاركة في المسابقات
|
ملي اتخرجت وانا قاعدة في الدار..مي ماخرجتنيش صحباتي راهم كامل يكتيفو
يعطيك الصحة خويا ربي يعيشك…….
و الله نصيختي ليك
كمل قرايتك و ديري مجيستار الانو من بعد تندمي و تقولي لزان غير كملت ليسانس راها ما تببانش ربي يسهل |
على بالك انا مش من ليماجور ياسر ومانيش من ناس المعرفة والمجستير ناسها معروفين
ويعطيك الصحة على الرد .مشكــــــــــــــــــــور
؟؟؟؟؟؟؟؟؟؟؟؟؟؟؟؟ في النهاية هي نصيحة ومشكور عليها؟؟؟؟؟؟؟؟؟؟؟؟؟؟؟
ربي يفرج علينا وعليكم…..طبعا لابد من التوجه لمكتب التشغيل وأن تستخرجي بطاقة التشغيل أو ورقة التشغيل بالأحرى لأنه لم تعد هناك بطاقة زرقاء ….وسيوضحون لك باقي التفاصيل.
|
اللهم أميـــــــــــــن…………..يعطيك الصحة خويا ربي يعيشك
انا من رايي اختي الفاضلة مكانش قد التعليم وخاصة انك امراة ديري برايي مدام عندك ليسانس ادب توجهي لمديرية التربية وين راكي وحاولي قدر المستطاع تحصلي على منصب وتقري وان شاء الله يدمجوك يارب.اختي بحكم اني ليسانس علوم سياسية صدقيني ندمت اني مدرتش تخصص يسمحلي اني ندرس وخدمت عامين في كل الإدارات وكرهت والآن راني نخدم كإدارية بمتوسطة الحمد لله .نتمنى تتقبلي النصيحة وصدقيني مش راح تندمي بربي.
|
الله يعيشك اختي ..عجبني ردك ياسر لاني حسيتك تنصحي في اخت..وانشاء الله نتبع واش قلتيلي
ونتمنى نتواصلو مع بعض.وانا انحب ناس تيارت عامة وناس الشلالة خاصة..ربي يحفظك ويرزقك…..
سلام عليكم
راني رحت عندهم وخرجت البطاقة الزرقاء ؟؟؟؟؟؟؟؟؟
مي قالولي مكانش الادماج ومكانش مناصب ووووووو
مع انو احنا عندنا قرابة ثلاث مؤسسات مسكرين ماعندهمش المدرسين
واش راهم يستناو؟؟؟؟؟؟؟
بففففففففففففف
يسناو في الشعب ينوض ماناضش