اليوم الصباح أخواتي كان عندي الفول خممت كيفاه نطيبه لقيت نفسي نكرر في نفس ألأطباق
فول بصوص طماطم فول ممروس بالزبدة أو سلطة 3 طرق و بس
و بما أنه رانا في موسمه إرتأيت ان أقترح عليكم أنه كل أخت تحط طريقتها في تحضير
الفول و خصوصا أنه منتدانا ماشاء الله راه نقطة تلاقي لكل مناطق بلادنا الحبيبة
و حتى يصبح هذا الموضوع مرجع لكل وحدة تحب تنوع في هذه المادة
أرجو تفاعلكم و إهتمامكم
دمتم في رعاية الله
سلام والله مشكورة على طرح الفكرة
اختي صدفات ماذا بينا يثبت الموضوع
انا وحدة من الناس الي نديرو مرق او بلاصوص
ومادا بيا يفيدونا لبنات
صباح النور صدفات
الفول تقريبا ما عندوش بزاف أطباق
أحنا عندنا نديروه بطرق معدودة رايحة نشرحها
أولا طبيخة:
طبيخة هاذي تحضر بطريقتين أو ثلاثة طرق
الطريقة المعروفة:
تنقي الفول و تقطعيه مع البصل و الثوم و تقليه مليح و الفلفل الأسود و قليل من الكمون و طماطم المصبرة و كسبر كي يتقلا مليح نزيدو عليه الجلبانة و حبة جزر و نمرقو غير شوية و نغلقو الكوكطة و نخلوه يطيب غير بالعقل هذا يجي ناشف
كاين اللي يدير الفول وحده و يجي فيه شوية مرقة في الأخير يرمي ملاعق أرز و يخليه يتشرب المرقة
و في الأخير تزيدي عليه كسبر مقطع رقيق
الطريقة الثانية تنقي الفول و تحطيه يتفور في كسكاس
في هذه المدة تحضري صلصة طماطم عادي كيما نتاع المقارون و كي يطيب الفول نرموه في الصلصة و نخلوه يتشربها و نزيد عليه الكسبر في الأخير
كاين اللي يقلي البطاطا و كخطو أخيرة يرمي على الفول البطاطا المقلية و الكسبر و يطفي النار
و نديرو بيه مسفوف إما نزيدو عليه الجلبانة و الجز إما فول وحده و ندهنوه بزيت الزيتون
العجايز في البلاد يطيبو مسفوف الفول
و يطيبو الطبيخة بالفول وحده
يقطعو الفول رقيق و يحطوه في طنجرة و يغطوه يخلوه يطلق كامل الماء نتاعو من بعد يقطعو البصل و الثوم و يخلوه يزيد يتقلى مليح كي يتقلى مليح مليح ديرو عليه الزيت تقريبا فنجان زيت و ملح و فلفل أسود و عكري و فلفل أحمر يابس و يقطعو عليه أوراق النعناع طرية و يقلوه شوية و من بعد يمرقو غير بشوية ماء يجي بزاف ناشف فول و زيت برك في الأخير هذا يجي شوية محرحر
و طريقة أخرى نتاع العجايز يطيبو الفول و يديرو معاه البركوكس في الأخير و يجي بدون مرقة ناشف
بارك الله فيك اختي صدفات على الموضوع القيم ……انا نتعملو ممروس بالزبدة و و لا بلاصوص و الكفتة و ادا كانت الحبات كبيرة نفوروه بالملح.
|
المشاركة الأصلية كتبت بواسطة douniadiab4
 سلام والله مشكورة على طرح الفكرة
اختي صدفات ماذا بينا يثبت الموضوع انا وحدة من الناس الي نديرو مرق او بلاصوص ومادا بيا يفيدونا لبنات |
شكرا حبيبتي على الرد و لكن يا حبذا لو تحطيلنا طريقتك أو ربما طريقة الولاية نتاعك شكرا
|
المشاركة الأصلية كتبت بواسطة روح مراد
صباح النور صدفات
الفول تقريبا ما عندوش بزاف أطباق أحنا عندنا نديروه بطرق معدودة رايحة نشرحها أولا طبيخة: الطريقة المعروفة: الطريقة الثانية تنقي الفول و تحطيه يتفور في كسكاس و نديرو بيه مسفوف إما نزيدو عليه الجلبانة و الجز إما فول وحده و ندهنوه بزيت الزيتون العجايز في البلاد يطيبو مسفوف الفول و طريقة أخرى نتاع العجايز يطيبو الفول و يديرو معاه البركوكس في الأخير و يجي بدون مرقة ناشف |
حبيبتي روح مراد توحشتك بزاف شكرا على الوصفات صدقيني دائما نسمع بالطبيخة و لكن عمري ما جربتها شكرا لأنك فهمتيني بالضبط واش نحوس أطباق للفول ما نعرفهاش
|
المشاركة الأصلية كتبت بواسطة ام انفال الاء لجين
بارك الله فيك اختي صدفات على الموضوع القيم ……انا نتعملو ممروس بالزبدة و و لا بلاصوص و الكفتة و ادا كانت الحبات كبيرة نفوروه بالملح.
|
شكرا حبيبتي على التفاعل و يا ريت تحطي لنا طريقتك بلكفتة لأني أنا نطيب الفول بدون لحم .
حنا نديرو بيه دوبارة
أنا عندي طريقة نطيب بيها الفول و زوجي يموت عليها و هي:
نأخذ حبة الفول بقشره و نقيه من الحواف بالسكين أي ننزعله تلك الخيوط ساير داير على طول الحبة
ثم نضعه فوق اللوحة و نبقي نقطع فيه صغير
ثم نغسله جيدا بالماء و نضعه يفور على الكسكاس و ما ننساش نضع فيه حبات ثوم بدون تقطيع باه يطلق فيه البنة و شوية ملح
كي يقرب ينضج نوجد صوص فينيقرات : زيت أو زيت زيتون كل واحدة واش تفضل ، توم مرابي ملح فلفل اسود خل و نخلطها مليح و نفرغ عليها الفول و هو سخن و نخلطه مليح و الله رووووعة خاصة في الصيف و الله جميع لي أكله عندي سألني على الطريقة
|
المشاركة الأصلية كتبت بواسطة cheomar23
حنا نديرو بيه دوبارة
|
صباح النور حبيبتي يا ريت تكتبي و 3 أسطر تشرحي فيها طبخة الدوبارة لأني من الغرب و ما نعرفهاش و الهدف من الموضوع هو التعرف على كل الطرق التي تعتمدها ألأمهات الجزائريات في طبخ الفول شكرا على الرد
|
المشاركة الأصلية كتبت بواسطة maram.espoir
أنا عندي طريقة نطيب بيها الفول و زوجي يموت عليها و هي:
نأخذ حبة الفول بقشره و نقيه من الحواف بالسكين أي ننزعله تلك الخيوط ساير داير على طول الحبة ثم نضعه فوق اللوحة و نبقي نقطع فيه صغير ثم نغسله جيدا بالماء و نضعه يفور على الكسكاس و ما ننساش نضع فيه حبات ثوم بدون تقطيع باه يطلق فيه البنة و شوية ملح كي يقرب ينضج نوجد صوص فينيقرات : زيت أو زيت زيتون كل واحدة واش تفضل ، توم مرابي ملح فلفل اسود خل و نخلطها مليح و نفرغ عليها الفول و هو سخن و نخلطه مليح و الله رووووعة خاصة في الصيف و الله جميع لي أكله عندي سألني على الطريقة |
مشكورة حبيبتي إن شاء الله نجرب طريقتك تبان لذيذة
صباح الخير حبيبتي صدفات يتوحشك الخير راكي هربتي عليا
السلام عليكم
و الله غير الموضوع جا على قلبي دائما نفكر الفول كيفاش نطيبو
انا نفورو في كسكاس بعد ما نغسلو قبل مليح و من بعد نقطعو و كي يطيب نرمي عليه زبدة و نعصر عليه القارص
وشكرا لروح مراد على كيفياتها
بالتوفيق لكن جميعا
وادا كاين زيت الزيتون تدير يجي بزاف بنين
وراني نستنا الاخت لي قالت تطيبو بالكفته كيفاش طريقته
السلام عليكم انا نقي الفول و من بعد فوق لوح التقطيع نقطعو دوائر ونحطو في طنجرة مع ثوم مرابي و فلفل اسود وفلفل عكري وملح ولي يحب يدير ملعقة صغيرة هريسة نقليوهم ثم نمرق في نص الطياب نديرلم كاس ونصف روز ونخليه يطيب الطريقة الثا ونية ننقو الفول ونقطعوه كبير ونفوره كي يفور نقليوه مع سنينات ثوم مرابيين وفلفل اسود وملح وقصبر مقطع ونمرقو بفنجان ماء ونخلوه على نار هادية كي يطيب نزيدولو زيت زيتون ونقدموه
|
المشاركة الأصلية كتبت بواسطة meriemalek
السلام عليكم انا نقي الفول و من بعد فوق لوح التقطيع نقطعو دوائر ونحطو في طنجرة مع ثوم مرابي و فلفل اسود وفلفل عكري وملح ولي يحب يدير ملعقة صغيرة هريسة نقليوهم ثم نمرق في نص الطياب نديرلم كاس ونصف روز ونخليه يطيب الطريقة الثا ونية ننقو الفول ونقطعوه كبير ونفوره كي يفور نقليوه مع سنينات ثوم مرابيين وفلفل اسود وملح وقصبر مقطع ونمرقو بفنجان ماء ونخلوه على نار هادية كي يطيب نزيدولو زيت زيتون ونقدموه
|
صباحكم سعيد حبيباتي
شكرا لك أخت مريم ملك عجبتني بزاف طريقتك و تبان بنينة خصوصا ألآن راه الأرز متوفر بكل أنواعه
حبوبتي صدفات الفول في داري نكلو غير انا اما نفورو ونديرومع بربوشة لحليب او في مرقة الخضرااو نغليالحبات نتاعو ونقليهم مع الزبدة والثوم والدبشة ولا نديرلهم الملح يسميوه مالح وبنين وناكلوه مع الرخساس
اختي صدفات …..بالنسبة للفول يكون رقيق يعني صغير و جديد نقطعه رقيق ثم نغسله مليح و نديره يفور .و لما يوصل لنصف الطياب نديرله شوية ملح ثم نخيل يزيد يطيب مليح.واثناء طيابه نوجد الكفتة مقلية و معاها لاصوص بالطماطم نتاع الحبة و معاها شوية المعلبة باش تجي ثقيلة و عاقدة و شوية كمون و شوية حرو و ملح و الثوم اكيد هو شباح الكفتة……لما توجد الكفتة بلاصوص نخلط معاها الفول……يجي شباب لكن المهل انو لاصوص تكون عاقدة و تقيلة……من نديره هده المرة نحط الوصفة بادن الله.
الفول الاخضر ابنين بزاف انا نديرو تغميسة يعني كيما الشكشوكة طيبيه فالماء والملح وطرف قارص بعد ماتنقيه وتغسليه ووجدي صوص طوماط مع بصل اخضر مقطع وثووووووووم مرابي كمون فلفل اكحل فلفل حار مقطع رند بلا ماننساو شوية زيت وملح طبعا
ارمي فيها حبيبات الفول نتاعك الي طيبتيها نص طياب اغلقي عليها المقلة وخليها تتقلى مليح كيطيب ضيفي عليها عصرة قارص ولا قطرات خل.
ولا نطيبوه وحدو باش ماتزراقلناش المرقة ونحطوه فوق الكسكس مع باقي الخضر يعطيها بنة هااايلة سيرتو نتاع الحليب ممممممم