انا فتاة والحمد لله لديا الكثير من المواهب ويحبني الاخرون بسبب مواهبي
خياطة طرز
ديكور طبخ اصلح حتى ان اكن مصممة ازياء بل واي شيء اراه اقلده واميل للغات الغربية ولكن فيا عيب جعلني اتاخر عن الزواج
ولا اقبل به مطلقا
الا وهو المرض الدي شكل عائقا لانه يمنعني من تحمل تكعرير تاع العرب
جاوني خطاب ولكن بسبب الخوف من المستقبل رفضت
كاين واحد حاب يتقدم وجبدت روحي منو وقلت باش منجرحوش برررفض مجاوبتوش وسكتت
بعدما الح عليا ان اقبل اخبرته اني حالتي المرضية متسمحليش نعيش فلعايلة لاني اعلم يقينا بلي نسمع الكلام لي ميعجبنيش وهدي نقطة ضعفي
كل مانسمع هدرة شينة يتنفخ قلبي ونبدا نصارع المر والحنظل
اخبرته اني لن اتاقلم مع اناس مش متفهمين ونقدر نتحمل مسؤولية تاع شخص واحد فقط صوالح بزاف منقدرلهمش
وقتلو بلي نسكن وحدي ولو في مغارة لانه قد اخبرني ان امه قبيحة ومتقبلش بوحدة مريضة ومتخدملهاش صوالح
اخبرني انو هو متمسك بيا ولكن الامر لم يرق عائلته
انا الان جبدت روحي وسكتت وعندي مدة ملي اختفيت وهو مزالو يحوس نقبل
ماحبش يفهم بلي منتحملش الله غالب منتحملش المشاكل لكنه يريدني ان اتحمل وادفع الثمن وحدي
مش هو لي راح يسمع القاسي من الكلام تاع امو ا
مالقيتش حل لهدا اعيش في عزلة مع نفسي
متهنية متمشكيل تاع العباد وهوما مش حابين يفهمو العربية
فهموهم قد ما فهمتهم قالو مافهمناش
حت حنا مافهمنى والوا
روحى داوى على روحك
و معظم المشاكل التي نقراها أم الراجل و مرتو ميتفاهموش و هذا و إن كان فإنه لا يمنع من الزواج
و إنما ينبغي الوقوف في وجه الواقع و الصبر على أذى الخلق و اعلمي علم اليقين
أنك مع عفوك عن الناس ستنقلب تلك العداوة إلى ولاية و محبة
يقول تعالى
فإذا الذي بينك و بينه عداوة كأنه ولي حميم و ما يلقاها إلا الذين صبروا و ما يلقاها إلا ذو حظ عظيم)
و الرسول صلى الله عليه و سلم ماذا لاقى من أذى قومه قالوا عليه ساحر و مجنون و غير ذلك من الاقوال التي جاءت في القرآن
لكنه صبر صلى الله عليه و سلم حتى فاق ألي العزم من الرسل
و أما عدم مواجهة الواقع ليس هو الحل أسأل الله أن ييسر أمرك و يصلح حالك و يرزقك رزقا حلالا طيبا
|
المشاركة الأصلية كتبت بواسطة karimo.karimo
 حت حنا مافهمنى والوا
روحى داوى على روحك |
انت يا ترد بكلام مليح يا متردش عاود اقرا اداب القسم
ثانيا حكمة جميلة تقول السكوت على الاحمق جوابه
ثالثا ماكي مريضة ما موالو علاش تمرضي في روحك
صاحبة الموضوع طرحت مشكلتها هنا لعلها تجد من يرشدها وينصحها وليس من يزيد عليها
الذي لا يستطيع أن ينصح بالحسنى وبالكلمة الطيبة فليصمت أحسن له
لنتي ادرى بحالك مدامك شايفة روحك تضري مكلاه يا اختي جيناهم صحاح وقلوبنا في النيلو كيما يقولو 6 سنين طاب قلوبنا ولينا بيون ههههههههههه حاسة بيك راكي مخدعت روحك ما نفقتيه ودرتي روحك قدها وقدود استخيري رب العزة ونعم الاستخارة
لكن ما هو مرضك هذا التي تتحدثين عنه بالتنويه دون تحديده ؟؟؟؟
ما فهمتش …ترن
ممكن امو ناس ملاح انت تحكمي علي ماس قبل ما تعرفهم
انت كيف راكي تعيشي مع داركم تعاوني في قضبة دار ول لالا
حاولي تشرط عليه دارك وحدك خليه يجي يخطب و اشرط سكن
يااختي هادي حياتك ونتي حرة فيها تحبي تتزوجي اللهم مابارك ماتحبيش دبري راسك حياتك ونفسك وخمي مليح
على حساب ما فهمت حابة سكن لوحدك خوفا من المشاكل ؟اشترطي سكن لوحدك ..ان لم يوافق .شوفي روحك .ممكن بيت لعايلة احسنلك ونقلك ……………..امي دايمن تقول عن الرجال …اللي ما تاكل مرارتهم ما تاكل حلاوتهم .اي لازم تضيقي شوية مرارة في الزواج لو جاك الزوج مليح تكون العايلة شوية والعكس ….هذه الحياة
حاولي أن تكوني إجتماعية أكثر
لم تذكري بالتحديد طبيعة المرض الذي منعك من الزواج لكن هل مشكلتك حقا وصلت الى حد رفض الزواج لهذه الدرجة ؟؟؟ أعتقد لا توجد مشكلة بلا حل….. نسأل الله ان يفك قيدك من هذه المسألة.
حاولي أن تكوني إجتماعية أكثر