السلام عليكم و رحمة الله و براكاته
أنا عضوة جديدة معكم مع أنني أتابع المنتدى من فترة طويلة المهم اليوم حبيت نعتلكم طريقة سهلة للحصول على غريبية ليست فقط هشوشة و لكن فيها رائحة الغريبية تاع الصح ( لتعرف الغريبية تاع قسنطينة تعرف علاواه نهدر)
أولا نذوب السمن و نذوب فيه السكر رطب ( كيلة سمن + كيلة سكر رطب) و نغطيه و نحطو في الثلاجة لمدة يوم أو يومين أو حتى ثلاثة لا يهم ( كل ما بقات في الثلاجة أحسن)
لما نجي نخدمها نجبدها قبل بربع ساعة ومنبعد نشيح بالفرينة ما لازمش تشيح بزاف و نجرب نطيب حبات إلا ما نزلوش نطيب الباقي ( كي تدخليها للفرن ما تحليش عليها )
نشا الله تجربوها أنا كل من ذاقها عندي يطلب الطريقة و شكرا
صح غريبية قسنطينة لا يعلى عليها يعطيك الصحة سهلة ان شاء الله انجربها
شكرا اختي 
يعطيك الصحة اختي نفس الطريقة نتاعي بصح انا الكيلة تاع السكر نديرها ناقصة شوية ونزيد الكاوكو محمص تجي تهبل
بارك الله فيك
انا من عشاق الغريبية وصيتها بكل انواعها وتخرجلي ولكن ان شاء الله نصيها لاني مانعرفش غريبية قسنطينة مشكورة اختي
allah yatik essaha
يعطيك الصحة
لازم نخدمو السمن مع السكر اولا ياك ولا لا
وشكراااااااااا
ياريت تفهمينا اكثر
يعطيك الصحة
فهمينا هل نخلط السمن و الزبدة مليح كي نخرجهم من الثلاجة و نضيف الفرينة او نخليهم يذوبو و نضيف الفرينة من دون خلط
أولا شكرا لكن على المرور الطيب
المقادير نظن واضحة: كيلة سمن +كيلة سكر و نشيح بالفرينة مغربلة
الطريقة : نذوب السمن ونحيه من على النار و نذوب فيه السكر حتى يذوب خلاص ،نغطيه ونحط في الثلاجة ( كل ما تطول تجي خير)
نجبدها قبل ما نخدمها و منبعد نشيحها بلا ما نخدم السمن و السكر ( هذا هو سر البساطة تعها)
ونشكل حسب الذوق لكن لازم نجرب حبات قبل