كيكة باليمون
وصفة رائعة المذاق و سهلة جدا
4 حبات بيض
300 غ فرينة
250 غ سكر
10 مغارف كبار زيت
2 حبات ليمون
2 ساشيات خمارة كميائية
الحليب الكمية حسب الحاجة
الطريقة
في زبدية نخلط السكر مع البيض
و الزيت و نخلطوهم جيدا
نضيفولهم قشور 2 حبات ليمون
و العصير نتاعهم
و نخلوا غير شوية عصير باش نخدموا السيرو فيما بعد
نضيفوا شوية حليب للخليط
نضربوا مليح بال le fouet
نخلط الفرينة معا الخمارة الكيميائية
نغربلوها و نضيفوها على الخليط الاول
نخلط جيدا حتى يولي الخليط ثقيل
لكن ماشي بزاف
ندهنوا ال plat
بالزبدة و نعاودوا نرشوا عليه شوية فرينة
و ننفضوا الفرينة منه
و من بعد نفرغوا فيه خليط الكيك
و ندخلوه للفرن على درجة حرارة 180°
لمدة 30 دقيقة
و ما ننسوش نحمروه شوية من فوق
أو قالب دائري
لما يطيب نوجدوا السيرو
في كاسرولة
نديرو كاس نتاع شاي ماء
و 3 مغارف سكر
و عصير الليمون اللي بقا
نخلوه يغلي حتى يعقاد
و نحركوه مرة على مرة
و نذوقوه إذا كان خاصه شوية سكر
ولا عصير ليمون
لازم يجمع بين الذوق الحلو و الحامض معا بعض
و لما يبرد نسقوا بيه الكيك
و نرشو عليه
السكر المطحون
أو قشور جوز الهند
أو أي شي تحبوه و يجي على خاطركم
و تقطعوه
و تاكلوا بالهنا و الصحة
مممممممممممممممم تبان هايلة يا اختي حبيبة ان شاء الله نجربها
فالقمة 
و هااااااااااااااايلة
و خفيييييييييييييييفة
بارك الله فيك و الله تهبل
و بارك الله فيك عجبتني بزاف طريقة كتابتك للموضوع بالصور بالتوفيق ختي
يعطيك الصحة يا حبيبتنااااااااااااااااااااااا
يعطيك الصحة اختي وصفة خفيفة وساهلة
يسلمو ذوك اليدين
ما شاء الله
موضوعك رائع شكلا ومضمونا
شكرا لك
شكرا على الوصفة الرائعم تسلم الايادي و بصحتكم
يعطيك الصحة
هايلة يعطيك الصحة
سوال حول البيض هل وضعتي الصفار فقط أوأضفتي البياض مع الصفار ؟
أرجو منك التوضيح أكثر من فضللك هذا يهمني
شكـــــــــــــــــــــــــــــــــــــــرا
شكرا حبيباتي
على هذه الردود اللي تفرح و تشرح القلب
فعلا عن تجربة و شهادة كل من ذاقها
الكيكة خفيفة و لذيذة جدا
خاصة لاحتوائها على مذاق الحامض
و الحلو في آآآن واحد
نصيحة
الفرينة :عينكم هي ميزانكم في أي كيك
ولا حلوى
على خاطر مرات كثيرة يكون المقدار اللي يعطوهلنا
في الوصفة أكثر من اللي
تحتاجه عجينتنا
خاصة إذا ضفنالها المايزينة للي يحبوا
يزيدوا المايزينة فيها
لازم دايما انقصوا مقدار الفرينة
بالنسبة للبيض
لالا درتهم كامل معا بعض
قلتلكم ساهلة و لذيذة
ما تاخذش بزاف وقت لا للتحضير
ولا للطياب
دايما نديرها في الدار باش يتقهووا
وتاني باش نهديها لما نكون زايرة عند أحبابي
الحمد و الشكر لله
عمرها ما حشمتني خخخخ
يعطيك الف عافيه
شكرا على الوصفة الجميلة يعطيك الصحححححححححححححححححححححححححححححححة
مرسى حبيبتى رانى كتبتها رح نطبقها فى اقرب وقت
جمييييييييلة يل لحْبيبة
نحب الذوق الحامض شكرا عزيزتي