أنا متحصل على شهادة الباكلوريا 2024 و مستعدة للمساعدة و للرد على أي استفسار يشغل بالكم
و أنا في انتظار ردودكم
تحياتي
شكراااا لك اختي
بارك الله فيك
ி ιllιl رمضًــــآن كــَريـــمَ (( ^_^ ))
بلا مزية
رانا هنا كما حنا ستحقينا كاين ناس لي يستحقونا
و رمضان كريم
مع العلم أنني كنت في شعبة العلوم التجريبية
شكرا انوار لجين كم كان معدلك
سلام وضح رمضانك وصح فطورك ومبروك عليك الشهادة وعقوبة لتخرج نشاء الله انا خصني نصائح عامة متلا حاجة نتي حتى فات الوقت بش تمنيتي كون درتيها من قبل ولا حاجة ساعدتك بزااااااااااف
وقوليلي لا راني نيشان ولالا انا شعبة رياضيات نعرفها ونحيها هي والفيزياء وحتى لعلوم ونحفظ المواد نتاع الحفاظة معنديش بروبلام بصح الفرنسية والانجليزية منعرفهمش خاطيني دروك انا كنت ناوية به نقراهم هدا الصيف بصح مين منعرفش بزاف ونقدرش نتعلم وحدي معرفتش كفاه ندير حتى فت الوقت بصح كون نراجع المات ولا فيزيك نورمال ميدوش مني وقت ونحب نقراهم ومعامل 7 6 دوك نتي قوليلي نقعد مهتمة بالمواد لخرين خير ولا انا راهي تبالي راني نضيع في الوقت لاحبيت ندرسهم وانتيييييييييييييييي نصيحيني
الله يسلمك الأخت لخضر 66
الحاجة لي حتى فات الوقت بش تمنيتها هي أنني كنت في المواد نتاع الحفاظة ما حفظتهاش من بداية العام خليتهم حتى مع تالي لي هادا غبنوني شوية و الدراسة لازم تبدايها من بداية الدراسة و الدرس لي ديريه لازم تراجعيه في وقتو لأنو مستحيل يكون عندك الوقت في وقت آخر و لازم توفري الوقت بزاف لحل التمارين و المواضيع في المواد العلمية لي هي الرياضيات و الفيزياء و العلوم كنصيحة من عندي لامزم تكتري التمارين في هاد المواد لأنو التمارين كامل تتشابه و مكان حتى فرق لهدا كل كا كترتي التمارين غادي تقدري تتجاوزي عدة مشاكل في المادة مهما تكون معقدة
أما الحاجة لي ساعدتني بزاف هي أنني في القراية كنت نركز على جانب الفهامة مشي الحفاظة حتى في المواد نتاع الحفاظة بصح ما لازمش تهملي الحفاظة كما درت أنا و كنت تاني كي يعطينا الأستاذ درس نبسطو بأسلوبي الخاص يعني نحاول باش نفهمو بالطريقة لي تساعدني و ترسخولي في ذهني
و تاني كي كان الأستاذ يسألنا في القسم يلا فهمنا كنت ديما نقلو لالا حتى و اذا كنت فاهمة لأنو كل ما يعاود يزيد يعطينا شي جديد
أما بالنسبة ليك انت المواد فرنسي و اجليزية لازم تقرايهم أو بالأحرى لازم تقراي كل المواد لأنو طحي في مادة غادي طيحلك المعدل كما أنا ما كنتش نحب الفلسفة فديت فيها في الباك 11.5 و هي لي طيحتلي المعدل نتاع الباك من 15 ل14.5 كون ديت فيها 16 كنت قادرة نجيب 15 المعدل و ياليته حدث ذلك
لهذا ننصحك من دروك يلا ما قريتيش المواد الأدبية غادي تندمي عليها
و الطريقة الأفضل لي لازم تبعيها باش تدرسي الفرنسية و الانجليزية هي لازم تقعدي حدا وحدة تعرفهم و تتعلمي عليها لأنو وحدك ما تقدريش و ما ديريش في بالك بلي راهم حاجة كبيرة و الله والو عادييييييي كي تعولي تقرايهم غادي تقرايهم
و انشاء الله نكون بلغت واش راكي حابة مني و أي استفسار تفضلي
تحياتي
؟؟؟؟؟؟؟؟؟؟؟؟؟؟؟؟؟؟ظظ
الى اخت انوار لجيييييين كلمت شكرا قليلا في حقك معلاباليش واش نقلك ربي يحفظك ويخليلك والديك هدا اهم شي وان شاء الله تتوفقي في حياتك وتنالي قاع واش راكي حابة ومبروووووووووك نجاح في بكالوريا وهدي هي معلومات لي كنت مستحقتها بالظبط شكرا جزاك الله خيرا
صح بزاف ربي يخليك و يعطيك ما تتمناي و موفقة انشاء الله