اليوم جبتلكم وصفة لنباتيين لي مايكلوش اللحم لا احمر لا ابيض هي وصفة ساهلة وبنينة
لازمنا حبة بصلة نقطعوها جوانح مع زيت والتوابل ومغرفة طماطم مصبة يتقلاو مليح ومبعد نضيف الزرودية ونمرق بالماء ساخن ونخليها الطيب حتى تخثار المرقة
من جهة نغلو الروز حتى يتعجن ونضيفولو الثون فلفل اسود وبيضة على حسب كمية الروز المهم نديرو غير بلعقل باه ماتجيش جارية اذا جاتكم جارية زيدولها شوية فرينة ومبعد نديروها كريات ونمرمدوها تمرميدة زينة في الفرينة ونقليها
كي طيب المرقة نضيفلها حبات زيتون اخضر نحطو المرقة شوية نستفو الروز ومبعد نسقيوها بالمرقة وزينو كيما حبيتو وشهية طيبة
مشكورة على الوصفة
بارك الله فيك وجعله في ميزان حسناتك
وصفة سهلة ولذيذة يعطيك الصحة
بارك الله فيك على الوصفة تبدو لذيذة
بارك الله فيك
merciiiiiiiiiiiiiiii
بارك الله فيك على الوصفة
ممممممممممممممم تبان بنينة وخفيفة يعطيك الصحة
نسييييييييت بلي ليوم الخميس هاهاهاها
الله الله على الابداع
يعطيك الف عافية اختي
ربي يجازيك كل خير
يعطيك الصحة
طبق خفيف ظريف كما مولاتو يعطيك الف صحة وعافية ام اثري
يعطيكم الصحة كامل جربوه مش راح تندمو الا اذا كنتو ماتحبو لاروز ولا زرودية