السلام عليكن بنات بلادي الحرات
بما انو غدا بحول الله تبدا العائلات الجزائرية الاحتفال بالربيع حبيت نعرف طريقتكم و طريقة كل منطقة في صتع قرصة الربيع
اناا مثلا ندير سميد الكسرة عادي. شوية زيت .ملح و بياض البيض نلمها و نزيد الماء الدافئ تدريجيا حتى نحصل على عجينة ماهي طرية ماهي يابسة نشكلها قرصات صغار وزينهم باشكال دوائر ازهار………ونحاول نعطيها شكل الشمس من الجوانب ثم نطيبها في الطاجين تاع الكسرة كي تطيب ندهنها بصفار البيض ( انا تقضل بعد ما ندهنا نرجعها دقيقة للطاجين على الجيهتين قيس ما تروح ريحة البيض’ ) ولكن الاغلبية ننركها هكداك .
وهكدا تكون جاهزه تحوتوها في طلاعة الربيع تاع الاطفال
ان شاء الله تتفاعلو معايا يا لبنات باه نعرفو طريقة مليحة
ربي يجعل ايامكم كلها ربيع و ازهار
يعطيك الصحة حنا نديرو المبرجة بالتمر
يعطييك الصحة على الفكرة …. احنا انديرو لبراج
شكرا لك و جزاك الله خيرا
حنا نديرو البراج وكان لي دير الغرايف والرفيس التونسي
مرحبا اختي ام ماجد ارجو منك اعطائي وصفة لقرصة الربيع باين شابة بزاف
شكرا على الرد حبيباتي هده نديرها للاطفال مع المبرجةا ن شاء الله نعاودها بالصور
البراج والبراج
شكرا ليك حنونتي كفيتي و فيتي
بارك الله فيك اختي ..في هذا الوقت بنتي راهي دير في المبرجة .عملتها على شكل قلوب ..بصحة الجميع الربيع ..
نحن في مدينة العلمة نديرو لمبرجة و رفيس و القرص للاولاد الصغار القرص عبارة عن دقيق و شوية زيت ملح. و نبلو بالماء. و نطرحوا العجينة قريصات و نطبعوا اي شكل على العجينة. ثم نطيبهم وندهنهم بصفار البيض و هما صخونين نخليوهم ينشفو ثم نحطوا في طلالع صغار قرصة و 2 طراف تاع لمبرجة و حبة برتقال شوية حلوى و يهزوهم الولاد و تخرجوا نلاقيو الربيع هههههه
احنا نديرو الزريقة وبو صلوع
hna ma3andnach had l3ada