السلام عليكم
واش راكم؟هذي اول مرة ليا نحط اكلة من اعدادي في احد المنتديات
هي غراتان بسطية صح انا نحبها بزاف
ان شاء الله تعجبكم وماتضحكوش عليا ههههه
باسم الله نبدا
اولا وجدي صوص بلونش فيها الدجاج وشوية تاع الحمص وتقدري تزيدي الفطر اذا عندك انا هاذ المرة ماكانش متوفر عندي
تقطعي البطاطا دوائر وتقليها،وتحتاجي ثاني شوية دبشة ومعدنوس وفرماج للتزيين وبلاما ننسى البيض اكيد
جيبي مول الشكل اللي تحبي ادهنيه بشوية زبدة
ومبعد حطي طبقة من البطاطا فوقها شوي فرماج
كي يطيب الجاج تاعك قطعيه صغير وحمريه شوية في المقلة وحطيه فوق طبقة البطاطا مع قطع من الفرماج
وزيدي حطي الحمص
وكملي الطبقة الاخيرة تاعك بالبطاطا وصبي عليها شوية تاع لاصوص والفرماج اكيد والبيض وحطيها في الفور نص ساعة على الاكثر
وهذا هو الشكل النهائي
وشهية طيبة
ان شاء الله عجبتكم 
شكرا ليك اختي
يعطيك الصحة
بارك الله فيك يعطيك الصحة
بارك الله فيك و شكرا لك
بارك الله فيكي أختي
وصفة سهلة
تحياتي
mmmmmmmmmmmm allah ybarak chokran jazaki allah khayr
يعطيك الصحة جاك هايل
Merciiiiiiiiiiiiiiiiiiiiiiiii