السلام عليكم
كي نحب نطيب الكسرة في الفرن نعمل كلش و نعجنها حتى يعواج ظهري مي ما تجيش كيما الاسفنج و منفوخة علاه
؟
وين راااااكم
ممكن لأنك كي تديريها في السنيوة تحبزيها بزاف على جال هكذا ماتطلعش ,,,,,,,,,,و شوفي ثاني الخميرة لي تستعمليها تأثر على الكسرة ,,,,,,,,,,,,ان شاء الله الاخوات يفيدوك اكثر
|
المشاركة الأصلية كتبت بواسطة وردة أمل
 ممكن لأنك كي تديريها في السنيوة تحبزيها بزاف على جال هكذا ماتطلعش ,,,,,,,,,,و شوفي ثاني الخميرة لي تستعمليها تأثر على الكسرة ,,,,,,,,,,,,ان شاء الله الاخوات يفيدوك اكثر
|
ها واش ندير مانخبزهاش ياسر
شوفي حبيبتي اتاكدي من الخميرة انتاعك 2 كي تبليها خليها تطلع ساعة الا ربع ثم كي اتكركبيها خليها تطلع ربع ساعة ثم كي اتgرسيها في لابلاطوا خليها تطلع واحد ربع ساعة راكي اتشوفيها زادات في الحجم ولازم ايكون الفور اسخون وان شاء الله اتجيك كي الاسفنج
|
المشاركة الأصلية كتبت بواسطة هبة الله اريج
ها واش ندير مانخبزهاش ياسر
|
أهم شيئ ماتجريهاش بزاف و خليها ترتاح مدة لاباس بيها,يعني شي 20 دقيقة ,,و بعد ما ترتاح ديريها في السنيوة بصح ماتخبزيهاش مباشرة خليها على الأكثر 10 دقائق و بعدها خبزيها بصح ماشي بزاف خليها شوية طالعة
انت لا تتركيها تخمر و زيد تطبخيها في فرن متوسط الحرارة، صح؟
عند وضعها في البلاطو خليها تخمر اكثر من 1 سا حتى يضاعف حجمها
و عند الطبخ في الفرن لازم يكون ساخن جدا و مسخن من قبل و تطبخ 10 الى 15 د فقط
السلام عليكم
صح رمضانكم
أختي أنا نخبرك على الكسرة نتاعي كي نديرلها و أنتي حكمي
أول حاجة ماندلكهاش نرونها برك … ندير في باسينة خاصة غير للكسرة الفرينة + ملح + خميرة الخبز و نخلط الجميع بالماء دافيء
نضربها مليح باش ماتبقاش مكورة و نخففها شويةو نخليها تخمر من ساعة حتى 2 ساعات و اذا كان عندي الوقت نعاود نضربها و ا ماكانش باقي الوقت قرصيها في صينية و خليها تعاود تخمر في الكوشة مين يكون الحال بارد صخنيلها كوشة و خليها تخمر …مين تشوفيها طلعت طيبيها
تجيك خفيفة من الداخل
ما تديلكش الوقت و و ماتعييش روحك بالدليك رون
السلام عليكم
ممكن يكون السبب الخميرة او انك متعجنيهاش مليح في القسى
او انك تلفخيها كي ديريها في البلاء بعد ماتعجنيها فيه لازمك تهزيها بالسياسة كي الطفل الصغير لما يكون راقد واش متهبطش وتفسد
وثاني كي دار تحطيها في الفرن لازم يكون سخون وحطيها بالعقل واش متهبطش
وردلي الخبر
حتى انا عندي نفس المشكل اليوم راح نعجن خبز الطحين فرينة وعندي سؤال البلاتو اللي نخمرو فيه الكسرة قبل ماندخلوها للفرن ندهنوه بالزيت ولالا يالريت تجاوبوني وشكرا
بارك الله فيكم جميعا
نعم يتدهن بالزيت
الاخت الحل ساهل كي راكي ديري كلش صحيح الحل هو انك تحطيها في صينية متاعها وتحطيها تخمر في صينية متاع الفرن كي تتنفخ حطيها في الفرن
شكرا لك .
Chokran liljami3