كنت حطيت صورة الطورطة في موضوع و كانت الانترنات ضعيفة ان شاء الله نقدر نحط الصور كامل و يعجبوكم
في البداية حضري مسكوتة انا مسكوتي العادية اللي خدمت بيها فيها المقادير التالية
4 بيضات
نص كاس زيت
كاس سكر
صاشي خميرة
فاني
و الفرينة ما نديرش بالكيل عيني ميزاني
تجي هايلة و الحاجة الجديدة اللي زدتها هنا هي الفارميسال الملونة بعد ما خلطت كلش زدتها فالاخير جات منقطة بالالوان شكل يهبل
كي تطيب خليها تبرد مليح فالثلاجة و حضري كريم شانتييه ضربيه مليح و حطيه فالثلاجة يحكم روحو 10 دقائق
خرجي الطورطة و اقسميها على 2 باه تولي عندنا نصف دائرة
غلفيها ملفوق بالكريم شانتييه و طبقيها و كملي التغليف كيما الصورة
الان رجعيها للثلاجة تبرد و الكريمة تشد روحها مليح و ما تتعبكش فالخدمة
نروحو للحاجة الجديدة و الجميلة
تعرفو كامل المارشميلو اللي هو حلوة القطن اللي ناكلوها فالربيع
اشري الوردي تتباع في صاسيات صغار ب 5الاف و هاذ الساك يهز وحد 7 صاشيات
هزي مرميطة ادهنيها بالزبدة و فرغي الصاشيات و زيديلهم 2 مغارف اكل ماء و ابقاي تخلطي بمغرفة حطب و ما تحبسيش حتى تولي سائلة
غربلي سكر قلاصي فوق البوطاجي و فرغي فوقو الساءل تاع المارشميلو ادهني يديك بالزبدة مليح باه تلمي و ما يلصقلكش
ابقاي تلمي فيها حتى تولي عجينة هكذا حطيها في سيلوفان باه تبقى طرية
نروح نصلي العشاء و نولي نكمل
يعطيك الصحة في انتظار الجزء الثاني
الله يقبل صلاتك
خرجي الطورطة ما الثلاجة حلي العجينة فوق السكر قلاضي تكون ذريتي شوية باه ما تلصقش برك ماشي حاجة و غلفي بيها الطورطة تاعك مليح هكذا
و حكيها بحاجة تملسها راهي تتباع سبيسبال عند تاع القاطو
و يبقالك تتفنني فيها و تديري الشكل اللي حبيتي
https://im18.gulfup.com/94AW1.jpg
و في الاخير تحصلت على هاذ الصاك شانيل 
وهاذي حقيبة اخرى حبيت نحطها باه تشوفوها كي تتقسم مالداخل
هذي خدمتها جينواز بالكاكاو و الكريمة درت فيها نشكويك تاع الحليب جا ذوفها تحفة
و هذي دمية كانت اول حاجة خدمتها واش رايكم في تجربتي الاولى
lو مالخلف
وهذي خدمتها في عيد ميلاد بنتي حنين
نسيت ملاحظة
كي تكوني تتحفي فيها مالفوق استخدمي فرشاة صغيرة و ماء باه تلصق فوق بعضاها
ما شاء الله الله يبارك و يعطيك الصحة حاجة فور بزاف برك نصيحة يا ريت لو حطيتي اسمك على الصورة باش ما يسرقولكش الموضوع
والله تحفة جاتك انا من عاشقي عمل ليتارت يعطيك الصحة عندي اسئلة هدوك المربعات الكبار ليدرتي في عجينة التزيين كيفاه درتيهم جاو هكاك خارجين وعجينة التزيين متيبسش زعمة وذرعين الصاك كيفاه بقاو شادين هكداك الشكل ولاصقين في المسكوتة عبالي هبلتك بالاسئلة مي ساعفيني والله عجبتني خدمتك حبيت نتعلم منك الفحلة وكشما نتفكر سؤال اني نزيدك هههههه
|
المشاركة الأصلية كتبت بواسطة ام ماريا هاجر
 والله تحفة جاتك انا من عاشقي عمل ليتارت يعطيك الصحة عندي اسئلة هدوك المربعات الكبار ليدرتي في عجينة التزيين كيفاه درتيهم جاو هكاك خارجين وعجينة التزيين متيبسش زعمة وذرعين الصاك كيفاه بقاو شادين هكداك الشكل ولاصقين في المسكوتة عبالي هبلتك بالاسئلة مي ساعفيني والله عجبتني خدمتك حبيت نتعلم منك الفحلة وكشما نتفكر سؤال اني نزيدك هههههه
|
كي لعسل حنونة
راني قلت في ملاحظة بللي تخدمي بالشيتة تغطسيها فالماء و تلصقي بيها كي الغراء خاطر حلوة تلصق ثم ثم
و الخطوط هادوك عندهم une roulette speciale ليهم تدير 10 الاف ت هاداك النفخ يجي خاطر ملتحت كاين كريم شانتييه
و كاش ما سؤال راني فالخدمة نويت نعلمكم و توليو بربي ان شاء الله تديرو طرطات ولادكم وحدكم
|
المشاركة الأصلية كتبت بواسطة faizarbh
ما شاء الله الله يبارك و يعطيك الصحة حاجة فور بزاف برك نصيحة يا ريت لو حطيتي اسمك على الصورة باش ما يسرقولكش الموضوع
|
ربي يخليك اختي راني عملت بنصيحتك و عدلت الصور
اختي ام ماريا هاجر العجينة ما تيبسش خلاص و كي تتكل تجي تتعلك و بنينة خير من عجينة السكر اللي يخدمو بيها كامل ماهيش بنينة و تجي مشققة
الله يبارك خرجتلك روعة
محجوووووووووز لي عودة للموضوع
عندي مانحكي معاك
هههههههههه الله يبارك فيك
wawwww tohfa lah yebarek
بسم الله مشاء الله يعطيك الصحة رااااااااااااااااااااااااااااائعة رايحة نسيي نطبقها