سلام اخواتي
بلا ما نطول عليكم راني مشغولة
عندي عرس و حبيت ندير للعروسة قاطو اللي تديه معاها و جا في بالي مقروط اللوز
المهم
عندي كتر من اربعة سنين ملي خدمتو و انسيت ادا نلموه بالبلون دوف. او بالجون دوف // بالابيض او اصفر البيض //
اسمحولي نسيت اسمهم بالفصحي
المهم راني نستنى فيكم تعاونوني خياتي
راني تاكلة على ربي ثم عليكم يا الفحلات
ما تخيبونيش
بارك الله فيكم مقدما
و
سلام
اختي لميه ببيضة و صفار
3 كيلات لوز مرحي و تعاودي ترحيه مرة اخرى مع كيلة سكر عادي و تضيفي الفاني و تبلي مرة ببيضة ثم بصفار بيضة و هكذا
لازم العجينة ما تجيش طرية لان البيض كي يكون بزاف راح يجري العجينة و تجي يابسة في طيابها
خليها ترتاح ليلة كاملة و في الغد شكليها و طيبيها و ربي يتمم على خير ان شاء الله
اختي ماتنسايش لازم تكتري فيها زاست القارس هو لي يخلي المقروظ يشهي
حبيبتي ديري مرة بيضة كاملة مضربة ومرة صفار وهكذا وحاذري لا يجيك جاري
بارك الله فيكن اخواتي
يشوفهالكم ربي حبيباتي
مي باش نفهم مليييييييييح
ادا كانت لاكونتيتي كبيرة نلموه حبة بيض و من بعد صفار و حبة بيض و صفار و حبة بيض و صفار حتى يتلايم
ولا حبة بيض ومن بعد صفار و صفار و صفار و صفار حتى يتلايم
و هي المخلوقة قالتلي اخدميهلي بالكاوكاو موش باللوز
لانو انا رايحة نخدملها العرايش //العروسة بنت خالتو لزوجي //
و عندو خالتو اخرى كبيرة في السن و ما كانش اللي يخدملها قالتلي اخدميلي سنيوة قاطو يعني هي تعطيني الدراهم و انا نخدمولها
قلت نخدملها مقروط اللوز شكلو باهي و يعطي الوجه
مي قالتلي اخدميهلي بالكاوكاو
حبيت نسقسي الاخت سفيان :
حتى الكاوكاو نعاود نرحيه بعد ما نكيلو و نخلطو مع السكر ولا اللوز برك
و اسمحولي على الديرونجمو
بارك الله فيكن
سلام
هيه حنونتي مرة بيضة و مرة صفار حتى تكملي و بنفس الطريقة اعملي الكاوكاو و زيدي كاش سؤال قبل ما نخرج و سفيان راها عطاتك طريقة100/100
نسائم من قلبي اللهم لا تذر نسائم الهدى فردا وارزقها الذرية الصالحة و صلي و سلم و بارك على سيدنا محمد و على اله و صحبه اجمعين اميييييييييييييين
السلام عليكم اخواتي
اختي فيما يخص البيض تديري بيضة تم صفار تم بيضة تم صفار لانه الصفار هو لي يخلي المقروط طري و ربي يوفقك اما عن الكاوكاو راني ماجربتوش راح نحوس لك و نشوف ادا لقيت اخوات داروه في هاد المنتدى لانهم ما يبخلوش و راح يساعدوك و زيدي ادخلي لقسم واش طيبتي اليوم كاين حراير ربي يبعد عليهم العين ربما فيهم لي دارت تاع الكاوكاو تساعدك
السلام عليكم ورحمة الله وبركاته
اذا كان مقروط اللوز بالسكر الناعم تلميه ببياض البيض فقط
أما اذا كان بالسكر العادي في 500غ لوز تلميه ب 3 صفار بيض وتكملي بالبياض وتعجنيه مليح باش يذوب السكر وخليه يرتاح ساعة او ساعتين ومن بعد قطعيه
هذه الوصفة من سميرة تي في
300غ لوز مرحي
150غ سكر
ملعقة زيدة توريق لكل 100غ لوز مرحي
قشور قارص
تخلطي المكونات و تلميها ب 2بيض وواحدة صفار
اذا كانت الكمية كبيرة و اذا الكمية صغيرة تبداي تلميهابواحدة بيض وواحد صفار
دخلي البيض مليح بيدك في العجين و خليها ترتاح ليلة كاملة
و تكون لعجينة شوية طرية افضل
سخني الفرن 160 درجة
و ما يطولش في طياب10 دقائق ينشف البيض
اذا كان للمقروط سخون غمسيه في شربات بارد
قطريه في كسكاس و حطيه في بول في سكر قلاص و غطيه بيه و خليه يحكم فية و مرة على مرة قلبيه
تقدري تستعملي الكوكاو بنفس المقادير
تملي بالجون دوف ياش تجيك لعجينة محكومة
بارك الله فيكن اخواتي
و جزاكن كل الخير عنا
راني جربت وصفة الاخت سفيان يعطيها الصحة و جاني هايل الله يبارك
و صورت القاطو اللي خدمتو و كي نروح لدارنا ان شاء الله راني نوريهلكم
سلامي و احترامي لكن يا الفحلات
اختي الله يرزقك الذرية الصالحة عاجلا غير اجل آمين