السلام عليكم
نحوس على كيفية عمل شربة المرمز ؟
وكاينة وصفة تاع خبز تجي بالحليب كيروبلك ماشفيتش على مولاتها؟
ليتعرفهم تقولي عليهم
اختي انا كتبت الوصفة انتاع الخبز هاهي نسيت صاحبتها
بلاك سيرينا البنينة
شربة مرمز ديري شربة كما انتاع الفريك عادي وبدل الفريك ديري المرمز وخليه يطيب علي نار هادية انا محبو بالجاج يجي مليح خير من اللحم
وشوفي البنات
الحليب فيضتيه راب ماترميهش*
بلاما تعجني وتعيي روحك اخدمي بيه خبز الدار ولا بريوش محشي .
خذي منه 1بول كبيرحليب(اللي رابلك) دافىء +1مغرفة كبيرة خميرة +1مغرفة كبيرةسكر +فاني +ملح + 3بيض+1فنجان زيت
وخلطيهم مليح +سينوج ونشفي بالفرينة تتحصلي على عجينة طرية (ميشي يابسة)
خليها تخمر وفشيها وخليها تخمر وفشيها وخليها تخمر وفشيها 3مرات.
ادهني صنيتك ويديك بالزيت وقرصيها وخليها تطلع شوية برك وادهنيها بالبيض وحطيها اطيب*
بريوش محشي بالشيكولا.
ولاحبيتي بريوش زيدي شوية سكر (اكثر من مغرفة)
وكربهيهم وفي الوسط قطع الشيكولاوادهنيهم بالبيض وحطيه يطلع ثم ايطيب .(لاحبيتي البريوش يجيك بنين ويبرق*
لما يطيب ادهنيه بالعسل راه يجي هايل)
السلام عبيكم اختي
حنى عندنا نديرو بزاف شربة تع مرمز ونمدلك وصفة لي علمتهالي ماما.
ديري لحم ورابي حبة بصل وديري 2بطاطا يكونو متوسطين
2زرودية.2قرعة اي كورجات
.2حبات طماطم وديريهم فوق النار وديري زيت ملح
وفلفل اكحل .قرفة.حمار ومغرف طماطم مصبرة.ومتنسايش حشيش وكرافس
وقلي مليح ومرقيهم وكي طيب خضرة نحيها وميكسيها
وديري مرمز وخلطي
حتى طيب وبصحتك وصح فطورك اختي
بارك الله فيكم اخوات
شكرا لكم
وصح فطوركم
ضرك نجربهم
راني لقيت رابط الخبز
https://www.djelfa.info/vb/showthread.php?t=874112
يعطيكم الصحة
https://www.djelfa.info/vb/showthread…post3991201713