مقادير تحضير نيسلي سهلة ومفيهاش بزاف مضمونة و مجربة والمقادير هي كاس لحظة غبرة + كاس سكر عادي + كاس ماء تحطيهم على نار هادئة حتان يخثار كي تحبي ديريه في القاطو ديريه في بلارة نتاع زجاج فارغة متوفرة في اي بيت قادرة تكون بلارة زجاج نتاع مايوناز فارغة او بلارة زجاج نتاع حمص فارغة دري نيسلي نتاعك في بلارة واقفليها مليح وديريها في وسط برمة نتاع ماء تكون معمرة يعني تغطي سطح نتاع البلارة داخل البرمة بالماء وتطيبيها مدة نصف ساعة كي تطيب نحيها وخليها تبرد كي تجي تحليها اخبطيها من المقفال بالشوي وحليها خطراه يكون فيها شوي هواء داخل البلارة نتمنى نشاء الله تجربوها وترجعولي بالخبر.
merciiiiiiiiiiiiiii hanona ya3tiiiiiiiiiik saha
شكرا للأخت التى تفظلت بكتابة موضوع الخاص بكيفية تحضير حليب النسلي
و كذلك تحضير كريمة النسلي للحلويات ما اردت معرفته هو ان زجاجة الميوناز داخل
الكوكوط و الحرارة المرتفعة اظن ان البلارة ستنفجر ؟؟؟؟
أحوجي متنفجرش البلارة؟؟؟؟
صحيتي على الوصفة وعلى احوجي ماتنفجرش……….. على ضمانتك نسييها ولا طردقت…………….. مشكورة ربي يحفضك
شكرا للأخت التى تفظلت بكتابة موضوع الخاص بكيفية تحضير حليب النسلي
و كذلك تحضير كريمة النسلي للحلويات ما اردت معرفته هو ان زجاجة الميوناز داخل الكوكوط و الحرارة المرتفعة اظن ان البلارة ستنفجر ؟؟؟؟ |
شكرا اختي حابة نقتلك بلي هاذي الوصفة جربتها قداه من مرة بصح كي ديري النسلي في البلارة اقفليها مليح ومتقفليش الككوطة او البرمة خليها على نار هادئة مدة نصف ساعة فقط انا نديرها في بلارة زجاج نتاع الحمص جديدة مالفة حتى نطيب الحميص ونديرو في البلارة ونغليه في البرمة ونحطو على برة كي نحب نستعملو نحلها مايفسدش ضك المرة الجاية ندرلك الوصفة نتاعو في قسم الطبخ و المؤكولات جربيه ورديلي بالخبر انشاء الله مايكون والو
صحيتي على الوصفة وعلى احوجي ماتنفجرش……….. على ضمانتك نسييها ولا طردقت…………….. مشكورة ربي يحفضك
|
ربي يعيشك اختي شكرا جربيه انشاء الله مايكون والو اذا خفتي ديريه في البرمة او الككوطة متقفليهاش خليها محلولة بعدي عليها بصح لازم البلارة لي تستعمليها تكون جديدة وكي يطيب النسلي نتاعك متحليهش خليه يبرد باش تحليه متنسايش زيري المقفال نتاع البلارة مليح خليه مدة نصف ساعة ربي معاك كي تجربيها رجعيلي بالخبر
ههههههههه هيه متنفجرش باين عليك اختي مالفة تستعملي البلارة شكرا لرد.
ربي يخليك اختي نشاء الله نكون عند حسن ظنك
يعطيكي الصحة اختي انشاء الله نجربو
تبارك الله يعطيك الصحة
ما شاء الله أختي رووووعة
يعطيك الصحة
مشكورة ختيتو ربي يحفضك
habit nsa9sik khti dok nti ki jarabti had l wasfa iji kima li nachroh man bara le méme gout wala lala et mrc pour la reccete rabi yahafdak nchl