اليوم فكرت باش نقدم طريقة اعداد الدجاج للمبتدئات و البنات اللي بداو يدخلو للمطبخ
نبدا باسم الله
الجاج نجيبو دجاجة و نفرغوها من الداخل
و نحضر خليط التنظيف و هو كمية من الفرينة + كمية من الملح
و نفرك بها الدجاجة في كل المناطق
راح تسقط اي شوائب موجودة على الجلد مع الفرينة
نشللوها تحت الماء و من بعد نحطوها في اناء به ماء +خل رايحة تخرج تبرق
نقطهو هاذيك الرقبة و نظفو المكان المثقوب فيها
نقطقو منطقة الذيل لكن نخلوها على شكل دائرة
نطيبو شوي روز نص طياب بالملح و الفلفل و الزعفران و الكركم و نوجدوه باه نحشو بيه الدجاجة
قبل عملية الحشو نحط داخل الدجاجة ورق رند و زعتر و نخلهم مليح لداخل و نملحو الجدار الداخلي
و نحشو الدجاجة مليح و نقفلو بعيدان
و نحضرو تتبيلة الدهن شوي زيت +ملح نكثرو الملح+فلفل +موطارد+كركم + كمون + ليمون +سكين جبيراو زنجبيل
نخلطوهم مليح و ندهن الدجاجة في كل الاماكن
من بعد نبرم الاجنحة للخلف
و الفخدين ندخلوهم في هذاك الثقب اللي خليناه من قبل
نقطعو حبات بطاطا و نفرشوهم في طبق الفرن و نرشو عليهم ملح و فلفل
و نحطو فوقهم الدجاجة ثم الى الفرن على حرارة 180 لمدة 2 ساعة رايحة تحمار من كل الجهات و اذا حبيتي تحمريها بزاف شعلي عليها من الفوق لمدة 10 دقائق في اخر مرحلة
ملاحظة مرة على مرة رفدي شوي من لاصوص اللي تنزل منها و ارميها عليها من الفوق
نتمنى نكون توفقت في الشرح و بالصحة و الراحة
باين طرف هذا ليا خخخخخ بعدو يالبنات
ماشاء الله خرجت روعة بصحتكم الجاجة و البطاطا و الله شهيتيني و انا راني جعانة موتتتتتتتتتتتتتتتتتتتتتتتتتتتتتتتت مشكورة 
باين لذييييييذ
شكرا أختي ربي يجازيك كل خير
ماشاء الله يعيطك العافية
هايلة شكرااااااااااااااا لانك شاركتينا الوصفة
بصح كون كملت خيرك و جينا كليناها معاك ههههههههههههههههههه
hummmmmmmmmmmmmm bsahtek
يعطيك الصحة يشهي
يمممممممممممييييي تشهي
بارك الله فيك على الجهد المبذول
للتثبيت حتى تستفيد المبتدئات
ya3tik saha chokran
الله يبارك ماشاء الله عليك سمرا يخزي العين
نجرب طريقة الطياب تاعك و ان شاء الله نتوفق
الله لايحرمنا من طلتك و نصائحك المفيدة
بارك الله فيك….
شوفي عزيزتي انا ثاني استفد ماشي غير المبتدئات
عندي طريقتي مبصح طريقتك عجبتني
يعطيك الف صحة و شكرا لكي
و الموضوع يستاهل التثبيت
يعطيك الصحة موضوع رائع يسفاد منو الكل مشكوووووووووووووورة