بعد بسم الله السلام عليكم
هذي وصفة قديمة بزاف وهي قنيدلات مالحين
التحضير:
اطراف من الدجاج حسب العائلة +بصلة مقطعة رقيق
+ملح وفلفل اكحل
+مغرف زبدة ومغرف زيت وحمص قليهم مليح
ومرقي بلتر ماء ساخن +حبة بطاطة مقشرة كاملة
بدون تقطيع اغلقي عليها وخليها تطيب+
تاخذي الديول ديري 3ورقات ديول وتدهنيهم بالزبدة
غير مسحة خفيفة وتقطعيهم دوائر وديري 3دوائر في لمول تاع الدزيريات
ثم ديري فوقهم قطعة فورماج ابيض
تكوني حضرتي الحشوة وهي : صدر دجاج قطعيه مربعات
وارحيه فروبو مع بيضة وملح وفلفل اكحل ديري الحشوة
في كيس حلواني وديري على شكل وردة فلمول
دخليهم لفرن متوسط لمدة نصف ساعة حتى يحماروا وهذا بعد لطابوا
لما تطيب المرقة اجبدي حبة البطاطة عبزيها بفرشيطة
حتى تولي بيري رجعيها للمرقة راح تعقدها
حمري الدجاج حطيه فلوسط مع الحمص
وديري القنيدلات بشكل دائري وسقس بالمرق.
اتمنى يعجبكم وتجربوه لان فعلا رائع
ومليح لرمضان وللضيوف.
ملاحظة:
متسقيش القنيدلات الا عند التقديم لانهم يتشربوا
ويتشمخوا وكاين قنيدلات يتحضروا بالعجينة المالحة لكن بالديول اسهل .
</B></I>
knidlat jaj
هــايلة … يعطيك الصحة ….. 
روعة تهبل يعطيك الصحة شكرا
اعجبتني الوصفة ولكن اعتقد انه من الافضل ان تقدم بدون مرق يعني كمقبل .
ورمضانك كريم وكل عام وانت الى الله اقرب
mmmmmmmerci bravo
شكرااااااااااااااااااااااااااااااااااا