احنا نعملوه في الاعراس وقلت خلي نعملهولكم بالخطوات كيما العادة
المكونات
حبة بصل مقطعة مربعات صغيرة+ كمية لحم مفروم+3سنات ثوم+نصف ربطة معدنوس مقطع +بيض حسب الحاجة انا استعملت 8بيضات وخلطهم مليح مع شوية ملح ونصف كاس حليب بارد +ملح وفلفل اسود+نصف كاس خبز مرحي او شابلير
كمية من الجبن حسب المتوفر عندك ان استعملت اجبان طرية وفروماج روج برشتو
صلصة بيضاء عادي حضريها بيصل وثوم وكسبر مرحي وملح وفلفل اسود وزيت قلي الكل مع قطعة لحم او عضم دجاج ومرقي بالماء وزيديلها علبة فطر محمر في شوية زبدة خلي الكل على نار هادئة حتى تثقال الصوص وتعقد
في مقلات حطي البصل مع الزيت وذبليه شوية وزيديلو اللحم المفروم انا عملت 700غ لاني عملت بلاطو كبير قلي الكل مليح
وزيدي الثوم والملح والفلفل اسود ماتكثريش الملح لان الجبن مالح وكي يطيب الكل زيدي المعدنوس
وصبي الكل فوق البيض وخلطي وزيدي نصف كاس الخبز المرحي وكمية الجبن الطري والمبشور اللي عندك
ادهني المول بالزبدة وغلفيه مليح بالخبز المرحي
صبي الخليط
وحطيه في الصحن
عند التقديم اسقيه بالصوص وزينيه بفروماج روج رابي اوشيدار او قرويار ورشة معدنوس
وهذا الشكل النهائي
زوووووووووووم للتشويق باش تجربوه
ملاحظة اللي ماتحبش تقدمو مع المرق ممكن تقدمو لوحدو لكن تستغنى على نصف كاس نتاع الشابلير او الخبز المرحي حتى يجيها ماشي ناشف والفطر تحمرو في شوية زبدة وتضيفو مع اللحم المفروم كي يكون يتقلى
نتمنى يعجبكم وراني نستنى رايكم وتقييماتكم
عسلامة نينا وين الغيبة
يعطيك الصحة طاجين يشهي بصحتكم
|
المشاركة الأصلية كتبت بواسطة ام ساجد
 عسلامة نينا وين الغيبة
يعطيك الصحة طاجين يشهي بصحتكم |
الله يسلمك حبيبتي ام ساجد كانت عندي شوية ظروف توفى عمي وكانت عندي ظروف اخرى راني رجعت والحمد لله
امممممممممم سخفتيني 
يعطيك الصحة
ربي يرحم ويصبركم ان شاء الله وان شاء الله اخر الاحزان
ومرحبا بيك معانا من جديد
ماشاء الله عليك اتحفتينا بهذا الطبقالمميز راكي سخفتيني ان شاء الله نجربو عن قريب
حبيت نسقسيك الشابلير تحمصيه في الفور قبل ماترحيه
يعطيك الصحة و فكرة تنويع الاجبان فكرة رائعة
ربي يحفظكن اخواتي الف شكر على الردود الطيبة وحبيبتي ام ياسين الزهراء لالا مانحمرش الشابلير يعني يكون عندي خبز يابس نرحيه ونستعملو مباشرة
يعطيك الصحة
شكرا لكي حبيبتي
ماشااااء الله
بارك الله فيك يعطيك الصحة
شكراااااااااااا باينة هايلة
مشكورة على الوصفة يا نينافرات, ربي يجازيك خير
توحشتك و تحيرت عليك, الحمد لله اللي رجعتيلنا , و الله بلاصتك بقات فااااااااااااااارغة 
ربي يخليك لينا و لا يحرمنا منك عزيزتي.
بارك الله فيك يا أختي وجزاك الله كل خير