كما تجري العادة عندنا نديرو في العشاء الشواء و نترككم مع الصور 
هنا درنا 2 شواء متبل ساعتين من قبل و شواء مش متبل
و بطاطا باه نشويها
هذا الشواء متبل بالفلفل الاسود و راس الحانوت (الذواقة) الملح و المعدنوس و الدبشة مقطعين البصلة مرحية و الثوم هذو
يتخلطو مع اللحم قبل ما يتحطو في القضبان و تخليهم ساعتين و من بعد ركبيهم في القضبان
و درك نوليو للبطاطا 
البطاطا في الاصل تتدار بالبيضاء و لكن كيما علبالكم البطاطا البيضاء هذه اليامات مش ملحة و تلقاوها حلوة كي الخردل
لذلك استعملت البطاطا الحمراء تقدري تغسليها و تستعمليها و اذا حبيتي قشريها
انا قشرتها و قسمتها ولكن كي نقسمها نخليها لاصقة من تحت (نشقها برك)
و نحط بين الشقوق الملح و الفلفل السود و شرائح الثوم
و نلفوها بورق الالمنيوم
و كي نشعلو الشواية و ندخلو البطاطا بين الفحم و نشويو اللحم فوق المشوى
و شهية طيبة
عيدك مبارك وصح عشاكم وفكرة البطاطا هايله غدوه انشاء الله نعملها
يعطيك الف عافية حبيبتي
بارك الله فيك أختي Maiar
تسلم ايدك
|
المشاركة الأصلية كتبت بواسطة نزهة الربيع
 عيدك مبارك وصح عشاكم وفكرة البطاطا هايله غدوه انشاء الله نعملها
|
الله يسلمك حنونة و جربيها و ما تندميش
|
المشاركة الأصلية كتبت بواسطة ميمنة الجزائر
يعطيك الف عافية حبيبتي
|
الله يخليك شكرا عزيزتي نورتي
|
المشاركة الأصلية كتبت بواسطة mimicha1977
بارك الله فيك أختي maiar
تسلم ايدك |
اسعدني مرورك اختي العزيزة
الله يبارك اختى ميار
عيدكم سعيد و كل عام و انتم بخير
|
المشاركة الأصلية كتبت بواسطة bassamat
الله يبارك اختى ميار
عيدكم سعيد و كل عام و انتم بخير |
عيدك اسعد بسمات تحياتي لك
بارك الله فيك اختي وصح عيدك
في دارنا عندنا مشكل مع الشواء, دايما يتحرقنا ولا كي مانخيلوهش يتحرق نلقاوه ماشي طايب مليح.. مافهمتش علاش 
كيفاش ديري باش مايتحرقلكش ويطيب مليح ؟ قالولي يلزم يتغلف بالشحم صح ؟
فقط سؤال انت تستعملي barbecue ؟ اذا نعم, كي دخلي البطاطا بين الفحم مايصرالها والو ؟
ممكم اختي ادا مانشقيكش تكتبلي طريقة تحضيركم لشواء من طاطا لسلام عليكم اي من اتفه مرحلة الى الاخير مع اعطاء كل les astuces ؟ وكيفاه تشعلو الفحم نتاعكم وشحال تستناو باش يرجع جمر.. ؟ لان البارح زعما جربت نشوي الكبدة, لما شعلت الفحم انتظرت مدة طريلة حتى حبست النار ولما وضعن اسياخ الكبدة عاودت لهبت النار وحرقتهوملي ..
بارك الله فيك مسبقا =)
ميار كيما قتلك رانى جربت البطاطا اليوم وجات تههههههبل بكرى كنت نحطها بالقشور وبلا مانغلفها وكيطيب نحطلها الملح بصح طريقتك الد
|
المشاركة الأصلية كتبت بواسطة asma1s
بارك الله فيك اختي وصح عيدك
في دارنا عندنا مشكل مع الشواء, دايما يتحرقنا ولا كي مانخيلوهش يتحرق نلقاوه ماشي طايب مليح.. مافهمتش علاش كيفاش ديري باش مايتحرقلكش ويطيب مليح ؟ قالولي يلزم يتغلف بالشحم صح ؟ فقط سؤال انت تستعملي barbecue ؟ اذا نعم, كي دخلي البطاطا بين الفحم مايصرالها والو ؟ ممكم اختي ادا مانشقيكش تكتبلي طريقة تحضيركم لشواء من طاطا لسلام عليكم اي من اتفه مرحلة الى الاخير مع اعطاء كل les astuces ؟ وكيفاه تشعلو الفحم نتاعكم وشحال تستناو باش يرجع جمر.. ؟ لان البارح زعما جربت نشوي الكبدة, لما شعلت الفحم انتظرت مدة طريلة حتى حبست النار ولما وضعن اسياخ الكبدة عاودت لهبت النار وحرقتهوملي .. بارك الله فيك مسبقا =) |
اولا اختي الله يسلمك
ثانيا نجاوبك على التسؤلات
الحمد لله مايتحرقلناش الشواء و هذا بلاك للطريقة تع الطياب و شوفي في الصور تلقاي كي نحطو اللحم في البروشات نحطو بيناتهم شحمة باه تطلق البنة
نستعملو شواية عادية و كي دخلي البطاطا بين الفحم ما يصرا والو لانها مغلفة بورق الالمنيوم المهم ساعة عالى ساعة قلبيها
درك الطريقة من الالف الى الياء
تجيبي مشوى عادية تحطي فيها الرمل و عرميها بالفحم فوق الرمل تهزي حجرة تع الفحم ولا زوج و شقريها فوق نار تع الكوشةو هزيها و دخليها في نص الفحم تع الشواية و جيبي السيشوار و نحيلو فمو (الغطاء لي من قدام) و شعليه و قابلي الشواية تلقاي الفحم بدا يشقر حطي الشبكة تع الشواية و بداي اشوي و كي تحطي اللحم مروحي باللوحة حنا نستعملو اللوحة تع القراية الكحلة و ما تبطايش عليه و قلبي كل مرة و ان شاء الله نكون وضحتلك و ادا عندك استفسار اني هنا في الخدمة و ان شاء الله على جالك المرة الجاية نديرلك بالصور
و البطاطا حطيها بين الفحم قبل ما تحطي الشبكة تع الشواية مع التقليب كل مرة و كي دخلي فيها الشوكة و تدخل اعرفي بلي طايبة
|
المشاركة الأصلية كتبت بواسطة نزهة الربيع
ميار كيما قتلك رانى جربت البطاطا اليوم وجات تههههههبل بكرى كنت نحطها بالقشور وبلا مانغلفها وكيطيب نحطلها الملح بصح طريقتك الد
|
فرحتيني بزاف نزهة بصحتكم ماكول الهناء شكرا كثيرا
بصحتكـــــــــــــــــــــــم الشوا تكليه الصحة والهنا نتي و العايلة عجبتني فكرة نتاع البطاطا عن قريب نجربها مشكورة ميار
|
المشاركة الأصلية كتبت بواسطة الصوامعية
بصحتكـــــــــــــــــــــــم الشوا تكليه الصحة والهنا نتي و العايلة عجبتني فكرة نتاع البطاطا عن قريب نجربها مشكورة ميار
|
الله يسلمك و ان شاء الله تجربي البطاطا جربتها الاخت نزهة الربيع و عجبتها