شكرا مقدما لمن ستجيبني : اسال عن وصفة لشربة اكلتها في مطعم لذيذة جدا و لكن ما عرفتش نعملها نعرف بلي كاين في المنتدى des cordons bleu اكيد راح يعرفوها: هي شربة بيضاء خاثرة اي ثقيلة فيها الحم دجاج مفتت فيها حبات جلبانة و فيه قطع صغيرة جدا من chompignion و اكيد creme fraiche لذيذة جدا حبيت نعملها في البيت لكن ما عرفتش فهل من واحدة تجيبني
ان شاء الله يفيدوك لبنات اختي
مساء الخير اختي انا نحضر الشربة البيضاء بالطريقة هده
قلي بصل وكرافس وتوم وصدر الدجاج وملح وفلفل اسود ودبشة ومعدنوس لكن يكون غبرة ومرحية وزعيترة يابسة ارحيها بين يديك قليل من الزنجبيل الطازج او اليابس مرحي لان دوقو لادع لكن لديد اتركيهم يتقلاو لمدة 10 دقائق امرقيها بالحليب وليس بالماء ومن المفضل حليب لحظة خليها على نار دليلة حتى ينضج اللحم
استعملي لكل كاس حليب نصف ملعقة كبيرة فرينة مثلا ادا مرقت ب 3 كؤوس حطي ملعقة ونصف فرينة في قليل من الماء وحلليها فيه صبيها فوق الحساء اتركيها 15 دقيقة فوق النار انا ما دكرتش الفطر لانني ما نستعملوش لكن ادا حبيتي تحطيه ضفيه في الاخير مع الفرينة عندما تطفي ضيفي 2 مغارف كبار من الكرام فراش
ملاحظة بامكانك نزع اللحم ورحي الحساء بالميكسور او في الاول ارحيهم رقيق بزاف باه ما يبانوش
راهي تجي مثل هده انشاء الله تكون هى اللي تحوسي عليها هده طريقتي في تحضيرها وراهي امممممممممممممممممم
شكرا عزيزتي على الاهتمام و الرد هي في الشكل تبدو مماثلة ساجرب طريقتك لاني لم اجربها من قبل و باذن الله ساوافيك بالرد سؤال فقط يتبادر لي هل لما نمرقها بالحليب ما يفيضش على كل حال ساجرب الف الف شكر على الرد
شكرا حبيبتي ما يفيضش طيبيها على نار دليلة والقدرة ما تغطيهاش على الاخر خليها مفتوحة شوية بالتوفيق
انشاء الله نجربها و نرد عليك شكرا
امشاء الله عليك الاخت زينب