*** شائعات غريبة .في مجتمعنا**** 2024.

شخصيا لا أومن بها

مشكورة الاخت عل الموضوع و هذا فعلا موجود في مجتمعنا و الامر ان البعض يؤمن بها و هذا كله تطير و قد نهى الرسول صلى الله عليه و سلم على ذلك
اصل هذه الدلالات ان صح التعبير و على ما اظن هو اجدادنا اي في حقبة الاستعمار لم تكن هناك ثقافة او تعليم كان الايمان بها و توارثوها جيلا بعد جيل
اما ان كان لها دلالات فلا اعتقد فهي لا تعني شيئا على الاطلاق وقد امن بها البعض نتيجة مواقف وقعت لهم بالصدفة فصدقوا ذلك
و الله يا اختي عن نفسي لا اؤمن بها
المشكلة الكبيرة ان اجدادنا الله غالب عليهم ما قراوا مساكن ما يعرفوا بصح جيل هذا الوقت راهوا مثقف وواعي وصل الامر بالتكهن الى كرة القدم ووضع اخطبوط او ما شابه لمعرفة النتائج مسبقا قمة الجهل
نسيتي القط الاسود اذا رايته هو و الغراب الاسود في اول الصباح
او بعض الكلمات الدلالية استحضرني موقف لي في الصباح الباكر كنت قاعدة مع امي و خويا قالي خويا واش عنكم المصروف قتلوا بهذه العبارة ما كان والوا و فجاة انفجرت في امي قاتلي زيني فالك هههه قلتلها يا امي علاه انا واش قلت قاتلي هو را يح يبدا نهاروا يخدم هذا فال مش مليح
يعني التطير مش في المواقف برك حتى في الاقوال دمتي طيبة

اقتباس:

المشاركة الأصلية كتبت بواسطة الأثر الجميل أنت تصلحي نبعثك عند جارتي التي تقول أنها إن أخرجت " الطاجين" وقت المغرب فإن احد اولادها سيصاب بكسر حدث لها ذلك مرتين متتاليتين لا ادري…ما دخل الطاجين المسكين؟؟؟؟؟ بوركت أختاه

وانت مسمعتيش بالطاجين اللي خلاتو مولاته فوق الكانون كي كملت الطياب ومرجعتوش لبلاصتو واش دار؟؟؟

عمبالكي …..بات يدعي عليها

بارك الله فيكي اختي
الجزائريون بزاااااف يسطارو من الاشياء…….مثلا انا عندي عمي مغترب جا زارنا في 2024 نهار الزنزلة ضربت…..زاد اضرب سمانة وولا زادت ضربت جا المرة الثالثة ضربت (هزات ارتدادية) جداتي و الجيران و المدينة و العالم كامل سمعو بالقصة و ربطو الزنزلة بيه مسكين ضوكا سافي لونطو ماجاش لدارنا ……………..و لا الراجل اتفرج اليوم الماتش في دارو خسرو اللكيب بدل راح القهوة ربحو ديراكت يقولك البلاصة نحس يا ربي هدا تخلف……….لازم نرتقيو بافكارنا

اقتباس:

المشاركة الأصلية كتبت بواسطة الأثر الجميل هههههههههههه ذكرتيني بعمتي التي كانت تقول لي لما كنت صغيرة ما تعضيش الكسرة بسنيك…راكي توجعيها ههههههههه امالا كيفاش راح ناكلها ؟؟؟؟؟ ههههههه .قاتلي قصي بيدك بالطرف وكولي.. ههههههههههههههه ضحكت من قلبي…كي كبرت هههه بوركت

ولحد الان محشمتيش مزال تستعملي حرف الهاء في مشاركاتك …؟؟ هادي تاع توجعي الكسرة ياخلايا قتلتني بالضحك ….مرة جيت نمشط شعري وقت المغرب ناضت عمتي مخلوعة تنحيلي في لابروس قاتلي بعيد الشر باباك مسافر وانت تديري هكا……المشطان عند وقت المغرب يجيب المصايب ….
مرة هزيت مراية مكسرة شفت فيها فالجامعة فكتهالي صاحبتي وقالتي درك يصرا فيك غير الشر ….ومن يومها وانا وين لقى مراية مكسرة نشوف فيها ومصرا حتى والو

الكارثة الكبرى هي انوا كاين عائلات دمرت من وراء هذا الفال كاين عرايس اللي بطلوا عليهم و كاين اللي طلقها راجلها و كاين و كاين
استحضرتني قصة اخرى كاين وحدة من معارف زوجة اخي كل ما يجي يدير العرس تصرا حاجة حتى قاتلوا امو بطل عليها و هو المسكين كي دار الكوراج و تحدى كل شيء نهار العرس انفجرت قارورة الغاز في المنزل و في المعاريض المهم ستر ربي جات سلامات حتى المسكينة تعقدت و صدقت بلي هي السبب

خدمت معايا وحدة تزوجت وفتصديرتها لبست الاسود لاصال كل ناضت تتهامس وتقول يا ربي تسود في سعدها بيديها ….حاليا لاباس عليها وعايشة نورمال وقبل أعوام جات خالتي نعمل ليها السيشوار رايحة لعرس كي كملت طاح السلاك من يدي قاتلي خلاص اليوم العشية أو غدا صباحا جاينيكم الضياف ….استنيت مكان والو …غدوة الصباح صونا الباب لقيت الضيفة عمتي جات تدير الاقامة الصيفية عنا هههههههه