سلام عليكم لبنات و حراير المنتدى هذا غدايا اليوم سباقيتي باالصوص و الدجاج اولا في كاسرونة نحط الماء والملح و ورقة رند وشوية كمون وفلفل اكحل وشوية زيت كي تغلي نلوح السباقيتي نخليها تطيب بلا ما تتعجن ونحيها الصوص تاعها نرابي البصل والثوم انا صراحة نكثر الثوم ونرابي حبة طماطم صغيرة ونضيف الطماطم المصبرة والزيت وفلفل اسود وكمون وبهارات والملح و الرند ونضيف الدجاج كي يتقلى مليح نضيف عليه حبات حمص و زيتون اخضر بطاطا مقطعة مكعبات صغيرة ونمرق بشوية ماء كي يطيب الدجاج نحيه ونخلي الصوص حتى تعقد نرابي حبة طماطم ونضيفلها كمون وفلفل اسود ودبشة و ونرمد قطع الدجاج ونعاود نقليها وكي نكمل نحط في الصحن سباقيتي وفوقها الصوص والدجاج المقلي ونرش عليها اادبشة ونرابي من فوق الفرماج وساعة ندير هذي الطريقة لكن في مكان الدجاج ندير كريات اللحم
شكرا شاوية حرة يعطيك الصحة على الوصفة
الله يعطيك الصحة حبيبتي الشاطرة تشهيي
كون غير حطيتي الصور للاغراااء
شكرا ليك حبيبتي وكان الموضوع اجي ابن ههههه كون مرافق بالصور راني نتخيل فيه مع انموت على ليبات
يعطيك الصحة اختي على الطبق جزاك الله كل خير
ماشاءالله يسلمووووووووووووووووووووووو
بارك الله فيك على الوصفة باين طبق لذيذ يعطيك الصحة حبيبتي 
تبارك الله شكرا على الوصفه
امممممممممممممممممم باينة بنينة يعطاك الصحة يا غالية
يعطيك الصحة ياشوية كونت حايرة واش ندير للعشاء راكي لقيتهالي نروح نديرها
الله يعطيك الصحة راكي صح حرة
يعطيك الصحححححححححة
bayna bnina
merci
جزاك الله خيرا اختي
شكرا ليك شهيتيني فيها