لبنات ممكن تساعدوني
اول مرة يحصل معايا هاد الشي
صباح جابلي زوجي حوتة التونة كبيرة نوعا ما قالي طيبيها
انا طبيتها كي لعادة ودرت الخضر
لكوشة ديالي خسرتلي رحت طيبتها فالكوشة تاع عجوزتي شوية عيانة
درتلها حسابها وشفت بالموس بلي بلي البطاطا طابت وطفيت عليها
وكنت لاهية مع وليدي
دركا لقيتها بردت كي رحت نشوف لقيت كاين لي طابت ومعظمها نص طيابكاين حل باش طيب
تعيشو تدو الاجر
شيخي راهو صايم ويحبها بزافراني نستنى فيكم
والله ماني عارفة وكان جيت في بلاصك نطيب لاصوص على جيهة ونديرها فوقها وندخها تطيب
و صيامو في الجنة شيخك
امييييييييين
بارك الله فيكما اختاي
درك نروح ندير وش قلتيلي اختي ام عبد الرحمن
حبيبتي نحي هاديك البطاطا و اقليها حمريها مليح و عاودي رجعيها و دوريها على الحوتة و منها تديكوريها
بصحتكم
|
المشاركة الأصلية كتبت بواسطة أم عروة
 امييييييييين
بارك الله فيكما اختاي درك نروح ندير وش قلتيلي اختي ام عبد الرحمن |
الزبدة تزيد بنة للبطاطا و الطماطم تزيدلها صلصة و طيب البطاطا
متنسايش ذوقيها على ملح و فلفل اكحل
السلام عليكم
معذرة نسيت باش نخبركم
البطاطا كملت طيبتها فالمقلة بالزبدة خرجت رووووووووووووعة
والصايم فطر والحمد لله
وعجباتو
الحمد لله رب العالمين
بارك الله فيكم اخواتي