السلام عليكم يا الحراير حبيت نسقسيكم انا امراة متزوجة منذ شهور ولاحظت في دار راجلي ريحة الغمالة بزاف حاشاكم ليميديتي بزاف مناه الدار في طابق ارضي ،كرهت كلش فيه الريحة حتى قشي وقش راجلي جربت المعطرات ونظل نظف في الغرفة مي بلا فايدة ماحابتش تروح ريحة،اعطيوني الجل ربي يستركم ويجازيكم…
و نتمنى البنات يفيدوك أكثر
اختي مرة قريت في النت واحدة صراتلها كيفك جابت الفحم وحطتو في سينية فوق القاردروب الريحة كامل يمتصها وخليه يقعد تم وزيدي امسحي الحيوط ببراف وان شاء الله تتهناي منو كامل بطريقة اختي بنت الجزائر وهي دهن البلافو والحيطان من الخارج بالزفت
دهن البيت وغسل كل الاثاث راها يولي جديد
ماعنديش نصيحة غير انك تحلي للقايلة ولا حالتك تتوحمي لان المراة تتهيا في الوحم
ادا راكم في بلاد البحر راهو صعيب باش تنحي الغمالة الحاجة الوحيدة حلي دارك مع الصباح ونفسيها مليح
من الحسن افتحي النوافذ يوميا
ربما كنتي تشعلي الشوفاج و ما تنفسيش الدار
راني نفتح النوافذ بزاف وتقريبا مانقفلش الدار خاصة من يبدا الجو يدفا لكن يظهرلي لصقت في الخزانة والحطب مناه جربت جميع المعطرات تاع الملابس تولي ريحتهم هايلة لكن مع يطولو شوي في الخزانة يهزو ريحت الغمالة…..شريت علبة قالولي فيها مادة تمص الرطوبة يظهرلي بدات تنفع وراني نحرص بالتنظيف والتعطير خلاص وشكرا على مساعداتكم