السلام عليكم 
حابة نسقسي و ساعدوني راني ما لقيتش روحي حابة ندير لعشى لدار راجلي يوم ثاني عيد الاضحى هاذا كي يجيوني و حرت واش ندير كطبق رئيسي خاطر درنا لغدا في العيد الصغير درنا الجلبانة و الشخشوخة و في رمضان درنالها طاجين زيتون اعطيوني طبق يكون مليح و يحمر لوجه و شكراااااااااااااااااااااااا
اختي اعملي دجاج ديزوسي ومحشي راهو بريزونتابل
سلام اختي ايلا كنت دابحين في العيد ديري اللحم روتي وزيدي معاه اوردوف مخلطة من كل شئ وزيدي مع اللحم ياما ديري لوبيا ماشطو سوتي وزيدي فريت
اختي ديري لحم لحلو و اوغدوفغ منوع بلا ما تنساي الحريرةةةةةةةةة
روطي الكتف راهو هايل وزيدي معاه ليفريت والسلايط ولا لحم مفور مع الروز العيد الكبير عيب ديري الجاج راهو تاع لحم
ديري طاجين ا لشوا مع كبدة مقلية وشوربةوسلاطة
راهو لحم الكبش عيب تعملى جاج أعملى روتى بالكتف يجى هايل وإلى ما عندكش الطريقة أدخلى لقوقل وذرك تلقاى مرغوبك وإلى حابىة أعملى طعام باللحم وإلى طاجين الحلو وشربة وسلايط مشوية وأرديفر وشوى لحم كافى مع القازوز والديسار والاكريم وبالتوفيق
اذا ثاني عيد ورايحة تعرضيهم فأكيد رايحة تذبحي الخروف
اهم حاجة كاينة اللحم ديري شواء كامل الناس تحبو
والا طبق تقليدي طعام رشتة الى عاد عددهم كبير وزيدي اكيد السلايط الى قدرتي عليها طجين حلو وديسار وشوربة ولا حريرة على حسب عاداتكم
بالتوفيق وربي يجعلها في ميزان حسناتكم
كسكسي مع سلاطة فاريي وشربة
شكرا على مروركم العطر ربي يستركم ان شاء الله راني استفدت من افكاركم ربي يعيشكم اللي عندها روابط نتاع الاكلات تحطهملي و بارك الله فيكم
ختي ديري شربة فريك وطبق رئيسي بما انو العيد الكبير ديري طجين الشواء صوص بلونش مع حبيبات حمص وديري خبز الياوورت الطبيعي رائع وديري سلطة منوعة طبق كبير وموفقة انشالله
خبز الياوورت الطبيعي لام اماني الله غالب ما نعرفش نحط الرابط لكن روحي قسم الاطباق المجربة تلقاي اخت جيادا حطاتو غي تطبيقاتها
طعام باللحم احسن طبق فى رايي
يا جماعة وعلاه وقتاش العيد