سؤالي الثاني لوكان نحشيها ادا قدرت نقسمها بالطبع هل نستعمل كريمة الشانتيي أو كريمة الزبدة.راني طولت عليك وقلقتك.شكرا كثيرا.
اهلا سيرين اسالي على راحتك
شوفي ديري كل واحدة نتاع 3 بيض وطيبيها وحدها تتحصلي على ثلاث يكونوا رقاق يعني المجموع استعملي 9 بيضات كل 3 بيضات خلطيهم وحدهم وطيبيهم وحدهم
بعد ما تخلصي الثلاث جينواز شربيهم بالمربى مخفف بالعصير وديري بيناتهم كريم شانتيي احسن بصح ما تكثريش فيها الحليب باه تشد روحها وما تذوبش مع السخانة وحطي الكريم شانتيي قبل الاستعمال في الكونجيلاتوغ على الاقل نصف ساعة
بعد ما تحطي الطبقات الثلاث فوق بعض غطيهم بالشانتييوديري الكوكاو على الحواشي وزيني حسب الرغبة وما تنسايش تصوريها
بالتوفيق
شكرا كثيرا .على ردك يعني لازم 9 بيض للمول تاعي .يعني 18 باش نصنع 2 تارت
العفو اختي
هذا راجع لسمك الجينواز الواحدة اذا حطيتي 2 فوق بعض وجات مرتفعة ديري فقط 2واذا حبيتي تكملي الثالثة كملي عينك ميزانك
شكرا كثيرا *أم رامي* ربي يحفظك.