ريحت رمضان بلا مطلوع مهيش ريحة شوفو مطلوع الجوهرة ولاول مرة في المنتدى 2024.

بارك الله فيك على السؤال

نحن بخير والحمد لله

اما الوالدة كانت جد مريضة ولا تزال تتعالج في الخارج لكن الان تحسنت كثيرا والحمد لله ادعيلها اكثر ونحن في هذا الشهر الفضيل

والماسة تزوجت وهي بالف خير اليوم عزومة عندنا بالبيت سأبلغها عنك

يعطيك الف صحة وعافية

سهلة بزاف وهي ماتخفيش من العجين

الطريقة :

هذي الي دايرتها فرينة

كي تروني العجين رونيه بالماء البارد سوختو دوك كيرانا في السخانة , باه الكسرة ماتتلصقلكش , في الاول متجريهاش باه تقدري تلايميها ثم حاولي تدلكيها …جيك شوية صعيبة بصح مع التعود توالفي

وبعدها شمخي يدك وبداي كشغل راكي رايحة تشكلي بولة شديها من كل جانب بدون ماتقطعي العجينة

خليها تريح

وبعدها كي تشوفيها رخوة والعجين بدا طري كشغل رايحة تطلع لايميها من جديد ودائما شمخي يدك وحكمي العجينة من الاسفل طلعي العجين للاعلى كل جانب ديريلو هكذا كشعل تدخليلها الهوا

وللعلم الكسرة اذا حبيتيها تجيك مليحة خليها في عبر واحد يعني مش جارية ومش يابسة ……يعني طرية وخفيفة

وعاودي خليها تريح حتى تطلع مليح المرة هاذي

كي تشوفيها طلعت لايميها مليح وبعدها قطعي بيدك حسب حجم السنيوة نتاعك ليميها ثم رمديها في الفرينة وديريها في السنيوة وديري كامل الخبزات وبعدها عاودي ارجعي لاول خبزة حطيها في القصعة نتاعك وخبزيها غير شوي ثم شليها بيدك كيما البيتزا وحطيها في السني وماتكثريلهاش الفرينة من الفوق باه ماتجيكش شهبة

وخليها حتى كي تطلع اشعلي الكوشة نتاعك وخليها تسخن وبعدها ديريها تطيب اذا انت كثرتي الكسرة لازم تديريها بعد ما تطلع في الثلاجة باه مايخسرلهاش الطلوع

وان شاء الله تخرجلك مليحة واي سؤال راني هنا