أهدي الينا اليوم كمية معتبرة من كبد الدجاج ولا تخفى فوائدها على أحد خاصة الأطفال و مرضى الأنيميا لكن مشكلتي هي رفض أطفالي أكلها مشوية أو مقلية أو مشرملة واحترت في طريقة تخفي معالمها وتحفظ فوائدها
أرجوكن أخواتي ساعدنني بتجاربكن سريعا وأجركن على الله
ولي سؤال مهم : هل يمكنني حفظها في المجمد لأن الكمية كبيرة 1 كلغ
ارحيها وخلطيها مع الخضر او مع لحم مفروم فى المحاشى وتقدرى تكونجليها عادى اقسميها حسب الكمية الى تحبى وحطيها فى ساشيات تاع الكونجيلاسيون
ربي يجازيك بكل ما تتمناي
ياترى طعمها ما يبانش راهم ولادي كي لقطوطة يشمشموا الريحة قبل الأكل ؟
اولا : نعم تقدري تنظيفها وتقطريها مليح وتخبيها في المجمد عادي مايصرالها والو
ثانيا : كي تغسليها حطيها في وشةي ماء وحطيلها كمية قليلة نتاع خل حوالي 1م ك وخليها فيه حوالي 15د ثم عاودي اغسليها بالماء وقطريها الخل رايح ينقص من ريحتها باش ماتبانش
ثاليا: تقدري ترحيها وتخلطيها مع تونة او لحم مفروم وديريها حشو للمعجنات ماتبانش
الله يحفظك وينولك لي فيه الخير في الدنيا والآخرة