من فضلكم اللي تعرف تقولي مانيش فاهمة علاه مؤخرا كي ندير البسبوسة تنتفخ عادي ثم تنزل في الوسط … بالرغم من أني نديرها من كنت صغيرة وجامي دارتلي ومن لي تزوجت ما حبتش تصلحلي باي وصفة نجربها … أفيدوني جزاكم الله كل خير 
أختي ممكن تكوني مخفتيها 
اليكِ وصفي وهي ناجحة معي 
3 بيضات
3 كيسان أتاي حليب
3كيسان أتاي زيت
3 كيسان سميد
1 كاس أتاي فرينة
1 خمارة
نواة كوكو
خلطي المكونات وحاولي ما تكونو جارية وما تكوني تقيلة بزاف 
وربي يوفقك 
بانتظار الأخوات يزيدو يساعدوك
في بلاطو 30/20
2 بيض.نصف كاس سكرنصف كاس زيت و نصف كاس حليب و 1 خميرة و الاحرش نتاع السميد والسر نتاع البسبوسة هو تخفيض حرارة الفرن و تخليه ايطيب براحتو
اتمنى نكون فدتك وسلام
|
المشاركة الأصلية كتبت بواسطة اِشراقـة أمل
 السّلام عليكم
أختي ممكن تكوني مخفتيها اليكِ وصفي وهي ناجحة معي 3 بيضات خلطي المكونات وحاولي ما تكونو جارية وما تكوني تقيلة بزاف
|
شكرًا لك اختي بالاك صح مخففتها ضرك نجربها ان شاء الله . جزاك الله كل خير
أختي ممكن الاختلاف في الفرن، درجة الحرارة راهي تختلف من فور لآخر.
بما أنها تهبط تأكدي أن الخميرة راهي جديدة و مايش مخبأة في مكان ساخن و لا بارد بزااااااااااف لأن هذا الأمر يبطل مفعولها.
بعد ذلك لازم تعرفي درجة حرارة الفرن المناسبة لها ، الفرن أتاعك ماشي شرط دائما 180 درجة يقدر يكون الفرن أنتاعك سخون بزااااف و بالتالي تتحمر من برى و تبقى نيئة من الداخل.
و ممكن تكون جارية تأكدي من الوصفة.
|
المشاركة الأصلية كتبت بواسطة ام هيثومة
في بلاطو 30/20
2 بيض.نصف كاس سكرنصف كاس زيت و نصف كاس حليب و 1 خميرة و الاحرش نتاع السميد والسر نتاع البسبوسة هو تخفيض حرارة الفرن و تخليه ايطيب براحتو اتمنى نكون فدتك وسلام |
بارك علله فيك على الوصفة ان شاء الله راح نجرب كل وصفة ذكرت لي .. نورت صفحتي
اختي اذا مقادير هي نفسها مقادير اذا مشكل في الفرن اي لكوشة
ماشي كيما نتاع داركم بلاك هذاهومشكل انا عن نفسي ندير بسبوسة نتاع ميميشة
والفور شعليه قبل ماتبداي تخدمي في البسبوسة باش ماتجي تكملي تكون سخن مليح
هذي هي بالاك اللي راهي ماتنجحلكش
درجة الحرارة راهي تختلف من فور لآخر
متنسايش السكر الأخت نسات مكتبات وش بالتوفيق
|
المشاركة الأصلية كتبت بواسطة مونية ك
السلام عليكمجابلي ربي كي تكون تطيب راكي تفتحي عليها الفور ماتفتحيهش حتان يفوت 20 دقيقة خاطرش غير تفتحيه تهبط
والفور شعليه قبل ماتبداي تخدمي في البسبوسة باش ماتجي تكملي تكون سخن مليح هذي هي بالاك اللي راهي ماتنجحلكش |
شكرًا اختي .. بصح انا ما نفتحش الفور خلاص نشوف من برة حتى تطيب. والفور نشعل وا قبل ما نوجد حوايجها
|
المشاركة الأصلية كتبت بواسطة liliane24
أختي ممكن الاختلاف في الفرن، درجة الحرارة راهي تختلف من فور لآخر.
بما أنها تهبط تأكدي أن الخميرة راهي جديدة و مايش مخبأة في مكان ساخن و لا بارد بزااااااااااف لأن هذا الأمر يبطل مفعولها. بعد ذلك لازم تعرفي درجة حرارة الفرن المناسبة لها ، الفرن أتاعك ماشي شرط دائما 180 درجة يقدر يكون الفرن أنتاعك سخون بزااااف و بالتالي تتحمر من برى و تبقى نيئة من الداخل. و ممكن تكون جارية تأكدي من الوصفة. |
بالاك صح انا فرني ساخن . بصح تطيب بالتساوي على هديك ماشكيتش في الفور .المهم راح نجرب كل الاحتمالات باه نكتشف السبب
بارك الله فيك اختي على النصائح
|
المشاركة الأصلية كتبت بواسطة ام فريال
اختي اذا مقادير هي نفسها مقادير اذا مشكل في الفرن اي لكوشة
ماشي كيما نتاع داركم بلاك هذاهومشكل انا عن نفسي ندير بسبوسة نتاع ميميشة |
بالاك .. والوصلة اللي جربتها تاع حميدة2016 راهي جاتها عالية وباهية وعملتها 3 مرات بنفس الطريقة ونفس المول وماصلحتش وهاهي الوصفة
https://www.djelfa.info/vb/showthread.php?t=916202
المشكل انها ما كتبتش درجة الحرارة
|
المشاركة الأصلية كتبت بواسطة ام طيب
متنسايش السكر الأخت نسات مكتبات وش بالتوفيق
|
شكرًا على التنبيه. نورتي الصفحة