السلام عليكم
بماان الشهر الفضيل على الابواب اريد ان اسال الاخوات و خاصة الغرب كيفية تحضير راس الحانوت نتاع الحريرة اي ما هي التوابل الي تدخل فيه و باي كميات و نشكركم اذا افدتوني
ان شاء الله رماضانكم كريم اين انتم يا الفحلات وين راكي يا الوهرانية ساعديني
ya khti hna nechrioueh wajed ta3arfihe mene rihtou
كاين الواجد و كاين الي يخدموه في الدار و نتاع الدار يجي عندو ريحة خاصة
ména3rafcheeeeeeeeeeeeeeeeeeeeeee
|
المشاركة الأصلية كتبت بواسطة ام محمد فارس
 كاين الواجد و كاين الي يخدموه في الدار و نتاع الدار يجي عندو ريحة خاصة
|
ياختي احنا تع الشرق نشروه واجد و الا نخلطوه يجي فيه تابل و كروية و كمون اخضر و شوي زعفران مرحي و فلفل احمر مرحي و فلفل ابيض مرحي و المكونات 03 الاولى هي لي تجي ياسر مي لوخرين كميات قليلة جدا و يقدر العطار يفيدك اكثر
يا اختي انا نشريه واجد
عرق اصفر و العرق الابيض و الكروية و الكمون و البسباس و الكبابة و الفلفل بكميات متساوية و غير شوية قرفة و قروفل و قصبر يابس مطحون هذه الوصفة من عن جداتي ربي يطول في عمرها
راس الحانوت نتاع تلمسان يجي فيه
الكامون+فلفل اسود+فلفل احمرحلو+سكينجبير+كركم+كرويةهادو بكميات متساوية
++ شوية قرفة +شوية زعفران
ما فيهش الكبابة و حبة حلاوة لا هادو يضيعو البنة نتاع لحريرة ما ديريهمش