راح نعطيلكم طريقتي في تنظيف المطبخ سهلة جدا وغير متعبة
كيما تعرفو المطبخ يتوسخ بسرعة نتيجة الطهو البخار والقلي …..الخ
طريقتي سهلة جدا وهي كالتالي:
اغلقي النافذة وباب المطبخ وباب الشرفة ان وجد و حطي قدر ماء يغلي فوق النار حتى يوصل لدرجة الغليان واذا لزم الامر زيدي قدر اخر انا ديما نغلي مقدار 2 قدر
راح تشوفي المطبخ بدا يعرق يعني يسيل بالماء واحنا نعرفو ان المطبخ يا يكون سيراميك يا اما مدوهون بالدهن الزيت عكس باقي الغرف
خي نشاف نقي حطيه في ماء+ جافيل ولا ماء+ كوب خل ابيض وحطيه على الفروتوار وبداي تنقي هدا بالنسبة للسقف والجدران والاماكن المنخفصة يمكن تنصفيها بنشاف ويدك فقك عد مدة صغيرة راح تشوفي المطبخ نتاعك تنقى ورجعلو لونو
هدا الطريقة سهلى جدا ومتعبكش ولي عندها طريقة اخرى اسهل تحطهانا واحنا كامل جايين هنا نتعلموا من بعضانا
ولا تنسوني بالدعاء………………تحياتي صديقة
ya3tik sahha hta ana kont nkhamam kifech na9ih
والله فكرة مليحة يا ريت تفيدونا بمثل هاته المعلومات انا بالنسبة ليا نمسح الحيطان بممسحة تاع ماعن ندير جافيل و ازيس ونقى من فوق لتحت شكرا اختى على المعلومة القيمة
فكرة هاااايلة اختي شكراً نجربها في أقرب وقت أن شاء الله
يعطيك الصحة معلومة رائعة
فكرة مليحة أختي ربي يحفظك
شكراااا على المعلومة المفيدة حنونة دائما تعبين مع تنظيف المطبخ
الله يجازيك خير
Baraka Lah fik okhti rah njarbha nchlh w surtout ki ramadan rah krib
Ya3tik saha hbiba
شكرا لك على هذه المعلومة جزاك الله خيرااا
مشكورة حبيبتي فكرة مليحة واكيد غير متعبة
بصح حنونة انا كون ما يعودش الماء للركب و المصلحة تخبط و الفروطوار والتويو نتاع الماء يسيح والله ما يجيني نفيض ولا غسيل
بصح نعشي كي الك…….. هههههههههه
ربي يعينا أجمعين بارك الله فيك اختي الكريمة
طريقة مليحة بارك الله فيك
انا كنت كيما قالت اسمهان لازم فيضانات باه تبانلي نفضت
ومع صحتي لي عادت في الحضيض عدت نحوس على اسهل طريقة باحسن نتيجة جربت وسقسيت ودرك لقيت الحل لي مانستغناش عليه حتى نلقا احسن منو
ورس اكسبرس تاع الدهون والله روعة ترشي شوية وتستاني ومن بعد امسحي نتيجة فعالة وسريعة وماتعبش
القارورة كبيرة تشد بزاف وماهيش غالية 250د وتستعمليه كلشي للكويزينيار الحيوط الفايونس ميكروند الغسالة الحمام راهو مليح لترسبات الكالكير
جربوه وادعيولي بالخير
شكرا لكس اختي طريقة فعالة ومثالية
|
المشاركة الأصلية كتبت بواسطة اسمهان79
 مشكورة حبيبتي فكرة مليحة واكيد غير متعبة
بصح حنونة انا كون ما يعودش الماء للركب و المصلحة تخبط و الفروطوار والتويو نتاع الماء يسيح والله ما يجيني نفيض ولا غسيل بصح نعشي كي الك…….. هههههههههه ربي يعينا أجمعين بارك الله فيك اختي الكريمة |
هههههههههه ماشي غير نتي!واله غير أنا تاني الفياضانات والفوضىى الي نديرها كي نكون ننفض غير ربي لي عالم بيها!مسكين الوالد حتى يهرب
ونولي حاااااالة حتى نبقى نغسل ونحلم بالتدويشة!
|
المشاركة الأصلية كتبت بواسطة ايهان
طريقة مليحة بارك الله فيك
انا كنت كيما قالت اسمهان لازم فيضانات باه تبانلي نفضت ومع صحتي لي عادت في الحضيض عدت نحوس على اسهل طريقة باحسن نتيجة جربت وسقسيت ودرك لقيت الحل لي مانستغناش عليه حتى نلقا احسن منو ورس اكسبرس تاع الدهون والله روعة ترشي شوية وتستاني ومن بعد امسحي نتيجة فعالة وسريعة وماتعبش القارورة كبيرة تشد بزاف وماهيش غالية 250د وتستعمليه كلشي للكويزينيار الحيوط الفايونس ميكروند الغسالة الحمام راهو مليح لترسبات الكالكير جربوه وادعيولي بالخير |
ياختي بارك الله فيك والله غير نحيتي علينا غبينة!إن شاء الله غير نتفكر ونشريه قبل النفضة تاع رمضان إن شاء الله
ربي يجازيك كل خير حبيبة