خبيزات بالسميد محشيين ولا اروع 2024.

للعجينة
300غ سميد (دقيق رقيق)
65 مل زيت
1 بيضة كبيرة
125 مل حليب دافئ
ملعقة أكل خميرة الخبز
2 ملاعق أكل سكر
1 ملعقة صغيرة ملح

للحشو (اختياري) انا هنا استعملت
200 غ لحم مرحي
بصلة صغيرة مرحية
2 فصوص ثوم مرحية
دبشة ومعدنوس مقطعين رقيق

للتزيين:
صفار بيضة ممزوج مع ملعقة أكل حليب
سينوج + جلجلان

طريقة التحضير:

تحضير العجينة
* في وعاء صغير اخلطي الخميرة، السكر والحليب الدافئ جيدا واتركيه يرتاح 5 دقائق
* في إناء كبير اخلطي الزيت والبيضة بواسطة مضرب يدوي وخليط الخميرة، احلطي جيدا
* أفرغي السميد والملح واخلطي جيدا باليد حتى تتحصلي على عجينة رخوة، غطيها واتركيها تضاعف الحجم
* اقسمي العجينة إلى 12 كرية متساوية

تحضير الحشو:
في طنجرة ضعي كل من اللحم المرحي، البصل، الثوم ، الملح وقلي جيدا حتى يتشرب الماء تماما وضيفي التوابل والدشة والمعدنوس وطفي النار

التحضير:
* شعلي الفور تاعك على درجة حرارة 180°م
* ابسطي كرية من العجين على شكل بيضوي وادهني الوسط بالجبن وضعي ملعقة من الحشو وقومي بغلقها جيدا بواسطة الاصابع

* ضعيها في بلاطو مدهون بالزيت (متباعدة) واتركيها تختمر مرة اخرى حتي يتضاعف حجمها
* ادهنيها بصفار البيض وزينيها بالسينوج والجلجلان مخلطين

* طيبيها من تحت ومن فوق حتى تاخذ لون ذهبي جيد

وهنا من الداخل شوفو كيفاش خفيييييفة

بالصحة ولهنا وما تبخلوش عليا بدعوة خير

الكيل بالكأس للزيت والحليب للإخوات اللي طلبوه